Azərbaycan Beynəlxalq Bankı dünyanın aparıcı ödəniş sistemlərindən biri olan “ UnionPay International ” şirkəti ilə tərəfdaşlıq müqaviləsi imzalayıb.
Tərəfdaşlıq çərçivəsində Azərbaycan Beynəlxalq Bankı “ UnionPay İnternational ” ödəniş sisteminin kartlarını öz POS terminallarında və bankomatlarında qəbul edəcək və Azərbaycanda ilk dəfə olaraq sözü gedən ödəniş sistemi ilə birgə plastik kartların emissiyasını həyata keçirəcək.
UnionPay International Çinin milli ödəniş sistemidir və 2002-ci ildə Çin Dövlət Şurası və “ Çin Xalq Bank ” tərəfindən təsis edilib. “UnionPay İnternational” şirkəti emissiya etdiyi kartların sayına görə dünyada birinci, kartlar üzrə dövriyyəyə görə isə ikinci yerdədir. Şirkətin emissiya etdiyi kartların sayı 3 milyarda yaxındır və dünyanın 141 ölkəsində qəbul olunur. –15D--.
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz