Azərbaycan Beynəlxalq Bankının (ABB) nizamnamə kapitalı 500 mln. manatlıq yeni səhmlərin emissiyası yolu ilə 1 mlrd. 141,3 mln. manata çatdırılıb. Bu qərar bu gün bank səhmdarlarının iclasında qəbul edilib.
ABB Azərbaycanın ən böyük bankıdır, səhmlərinin nəzarət paketi dövlətə məxsusdur.
Ötən il ABB-də mənimsəmə və israf şəklində ciddi pozuntular aşkar edilib. Bankın bir sıra yüksək vəzifəli şəxsləri, o cümlədən idarə heyətinin keçmiş sədri Cahangir Hacıyev həbs olunub.
Bankda dəyən ziyan və qaytarılmamış kreditlərin məbləği 6-8 mlrd. manat qiymətləndirilir.
Sözügedən pozuntular aşkar edildikdən sonra dövlət problemli kreditləri bankın balansından çıxararaq, onun sağlamlaşdırılması prosesini öz üzərinə götürüb. -06D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz