«Azərbaycan Beynəlxalq Bankı» ASC 10 iyunda başa çatan səhm yerləşdirməsinin nəticələrini elan edib.
Turan İA yazmışdı ki, yerləşdirmə baş tutmuş sayılır, çünki dövlət Maliyyə Nazirliyinin şəxsində 51,07% səhm əldə edib.
Fond birjası vasitəsilə ümumi nominal qiyməti 51 mln 94,9 min manat olan 189,2 mln ədəd səhm satılıb. Yerləşdirmə nominal qiymətə olub – 1 səhm 0,27 manat. Amma investorların sözlərinə görə, bu gün ABB-nin səhmlərinin bazar qiyməti 0,13 manatdan çox deyil.
Səhm yerləşdirməsində 46 investor iştirak edib. Bankın əcnəbi fiziki şəxslər də daxil 1500-dən çox səhmdarı var.
Bu gün «Azərbaycan Beynəlxalq Bankı» ASC-nin ödənilmiş nizamnamə fondu 641 mln 128,2 min manatdır.
Bu il bank qanunvericiliyə zidd olaraq, I rübün maliyyə hesabatını açıqlamayıb. Ona görə maliyyə vəziyyəti aydın deyil, hesab edilir ki, o, çox pisdir. Ona görə dövlət başçısı bu günlərdə qeyri-likvid aktivlərin “Aqrarkredit” qeyri-bank kredit təşkilatına verilməsi haqda fərman imzalayıb. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz