ABB və AzeriCard SMS vasitəsilə virtual kart sifarişi xidməti tətbiq edir

Azərbaycan Beynəlxalq Bankı (ABB) AzeriCard prosessinq mərkəzi ilə birgə SMS vasitəsilə virtual kart sifarişi xidməti layihəsi üzərində işi başa çatdırıb. 

 Xidmət imkan verir ki, istənilən şəxs üç valyutadan biri ilə (manat, dollar, avro) SMS vasitəsilə kart sifariş etsin. Kartın detalları ilə SMS mobil nömrəyə göndəriləcək. Oradan sifariş komandası veriləcək. Kartlardan Azərbaycanda və xaricdə istənilən saytda internet vasitəsilə elektron xidmət və mal ödənişi etmək mümkün olacaq. 

 Verified by VISA və MasterCard SecureCode-un dəstəyi ilə saytlarda tranzaksiyaların təhlükəsizliyi üçün birdəfəlik parollardan istifadə yolu ilə dinamik autentifikasiya metodundan istifadə olunacaq. Hər tranzaksiyadan öncə parol SMS ilə göndəriləcək. Parolla təsdiqlənməyən tranzaksiya rədd ediləcək. Bu kartın hesabını «Cash to any Card» və ya istənilən kartdan «Kard Transfer», «VISA Personal Payments» və «MasterCard Money Send» kimi xidmətlər vasitəsilə artırmaq olar. 

 Hazırda mobil operatorlarla servisin tətbiqi və kartın balansını mobil nömrənin balansından artırmaq imkanı üzrə danışıqlar aparılır.—15D--