Bakı/14.10.17/Turan: ABŞ səfirliyi bildirib ki, Amerikanın 14 şirkətini təmsil edən 27 nümayəndədən ibarət ən böyük ticarət missiyası Azərbaycana səfərə gələcək.
Missiyanın səfəri Amerika-Azərbaycan Ticarət-Sənaye Palatasının və ABŞ Ticarət Nazirliyinin nəzarəti altında həyata keçiriləcək.
Şirkətlər ticari sektorların geniş və müxtəlif sahələrini təmsil edir. Nümayəndələr işgüzar görüşlər və müşavirələr keçirəcəklər. Missiya iştirakçıları həmçinin iqtisadiyyat Nazirliyi və AzPromo ilə də dəyirmi masa keçirəcəklər.
Nümayəndə heyətini Türkiyə və Azərbaycan üzrə Ticarət Missiyalarının Müşaviri Uilyam Çajkovski və Xarici Özəl İnvestisiya Korporasiyasının İcraçı Direktoru Kennet Angell də müşayiət edəcək.
Onlar ABŞ Səfiri Robert F. Sekuta ilə birlikdə, hökumət nazirlikləri ilə görüşüb Azərbaycan hökumətinin həyata keçirdiyi islahatları və daha çox ABŞ investisiyalarını cəlb etmək üçün Azərbaycana kömək etməyin yollarını müzakirə edəcəklər. -0-
İqtisadiyyat
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
-
Yanvarın 13-dən 14-nə keçən gecə, İstanbul, Moskva və Təl-Əvivdən Bakı istiqamətinə olan bir neçə uçuş, Bakıdakı Heydər Əliyev Beynəlxalq Hava Limanında dumanlı hava şəraiti səbəbindən Gəncə Beynəlxalq Hava Limanına yönləndirilib.
-
Azərbaycan Nazirlər Kabineti bazar günü Daşaltı Dövlət Təbiət Qoruğu üçün 289,5 hektar ərazini əhatə edən yeni sanitariya-mühafizə zonasını təsdiqləyib. Baş nazir Əli Əsədov tərəfindən imzalanan qərar, xüsusi mühafizə olunan təbiət ərazilərinə dair milli qanunvericiliyə uyğun olaraq ətraf mühitin qorunmasını gücləndirməyi hədəfləyir və "Xüsusi mühafizə olunan təbiət əraziləri və obyektləri haqqında" qanuna 2014-cü ildə edilmiş dəyişiklikləri həyata keçirir.
Rəy yaz