“ABSHERON Hotel Group” MMC 2015-ci ildəki nailiyyətlərini açıqlayıb. Hesabat dövründə “Park Chalet Şahdağ” hoteli açılıb, “Şahdağ” turizm kompleksində ikinci qış mövsümü yekunlaşıb, şirkətin dörd hotelinin “AutographCollection” sırasına qoşulması barədə razılıq imzalanıb və Azərbaycan Təhsil Nazirliyi ilə birgə əməkdaşlığın nəticəsi olaraq 5 saylı Bakı Peşə Liseyində Peşəkar Qonaqpərvərlik bölməsi açılıb.
“Park Chalet Şahdağ” hoteli bu ilin yanvar ayında açıldıqdan sonra 2013-cü ilin dekabr ayından uğurla fəaliyyət göstərən “Pik Palace Şahdağ” hoteli ilə birgə möhtəşəm qış mövsümü keçirib. Hotellərin peşəkar heyətinin bu mövsümə olan başlıca hədəfi müstəsna xidmət göstərilməsini davam etdirmək, təyinat nöqtəsi olaraq Şahdağı seçmiş yerli və xarici qonaqların gözləntilərini üstələmək olub.
Xizəkçilərə ümumi uzunluğu 16,8 km. olan əlavə altı xizək yamacından faydalanmağa imkan verəcək yeni qaldırıcı şəbəkənin təqdim olunması, buz meydançasının yerləşdiyi Şahdağ Mərkəzi meydanında tikinti işlərinin tamamlanması, Azərbaycanda ilk “Buz barı” (“IceBar”) da daxil olmaqla beş yeni bar və restoranın fəaliyyətə başlaması və turizm kompleksinin infrastrukturunun dövlət tərəfindən davamlı inkişaf etdirilməsi ilə bağlı görülən bu kimi digər işlərin nəticəsi olaraq hotel ziyarətçilərinin sayında artım müşahidə olunub.
Turizm kompleksinin fəaliyyətə başladığı ilk 2011-2012 mövsümündə 50 min və ötən mövsümdə 80 min turist ziyarəti qeydə alınıb ki, bununla müqayisədə builki göstərici 90 min olub.
Apreldən “Pik Palace” və “Park Chalet Shahdag” mövsümü bağl elan ediblər. Bu otellər bu ilin dekabrında yeni öz qapılarını turistlərin üzünə açacaqlar.
Bakının mərkəzində yerləşəcən 818 otaqlı “Boulervard” və 150 otaqlı “Intourist” hotelləri də may ayında “AutographCollection”a qoşulacaq.
Bu hotellər iyunda birinci Avropa Oyunları zamanı öz qapılarını turistlərin üzünə açacaqlar.
ABSHERON Hotel Group “Pasha Holding” Şirkətlər Qrupuna daxildir. Four Seasons Baku və JW Marriott Absheron da bu qrupa məxsusdur. Bu il Bakıda Dinamo Hotel-in açılışı planlaşdırılır. 08D
İqtisadiyyat
-
Azərbaycan Prezidenti İlham Əliyev, 16 dekabr 2024-cü il tarixində qəbul edilmiş 98-VIIQD saylı Qanuna uyğun olaraq, ölkənin Vergi Məcəlləsinə dəyişikliklər edilməsi məqsədilə bir sıra prezident fərmanlarına dəyişikliklər edilməsi haqqında fərman imzalayıb. Bazar ertəsi gün yayımlanan fərman, müxtəlif mallar və xidmətlər üzrə vergi geri qaytarılmasının sadələşdirilməsi və əlavə dəyər vergisinin (ƏDV) geri qaytarılma qaydalarının təkmilləşdirilməsini hədəfləyən əhəmiyyətli dəyişikliklər gətirir.
-
SOCAR Türkiyə Enerji A.Ş. (STEAS), Azərbaycan Dövlət Neft Şirkəti SOCAR-ın Türkiyədəki törəmə şirkəti, Türkiyədə etilen, polietilen və polipropilen (poliolefin) istehsalı üzrə yeni obyektlərin tikintisi üçün iddialı planlarını açıqladı. Bu təşəbbüs Türkiyənin poliolefin məhsullarına olan tələbatının 90%-ə yaxınını idxalla təmin etdiyi bir dövrdə həyata keçirilir.
-
Azərbaycanın turizm sənayesi 2024-cü ildə pandemiyadan sonrakı bərpa və strateji hökumət təşəbbüsləri sayəsində əhəmiyyətli artım yaşayır. 2024-cü ilin yanvar-noyabr ayları ərzində ölkə 2.412 milyon xarici turisti qəbul edib ki, bu da 2023-cü ilin eyni dövrü ilə müqayisədə 27% çoxdur. Proqnozlara görə, ilin sonuna qədər ümumi ziyarətçi sayı 3 milyona çata bilər ki, bu da sektorun təsirli inkişaf trayektoriyasını vurğulayır.
-
2024-cü ilin ilk 11 ayında Azərbaycanın istehlak bazarı davamlı artım nümayiş etdirdi və mallar və xidmətlərin ümumi dəyəri 67,4 milyard manat təşkil etdi ki, bu da 2023-cü ilin eyni dövrü ilə müqayisədə 4,8% çoxdur. Bu artım Azərbaycanın qlobal və daxili çağırışlara uyğunlaşmağa davam edən iqtisadiyyatının dayanıqlılığını vurğulayır.
Rəy yaz