“AGBank” ASC “Bank Standard” QSC ilə konsolidasiya barədə niyyət protokolunun imzalandığını elan edib. Bu, “AGBank”ın ölkənin maliyyə bazarında özünü saxlamaq üçün ikinci cəhdidir.
Əldə olunmuş razılaşmaya əsasən iki bankınnümayəndələrinin iştirakı ilə işçi qrupu yaradılır. Qrup “AGBank”ASC-nin “Bank Standard” QSC ilə birləşmə şərtlərini və prinsiplərini işləyib hazırlayacaq.
Qeyd edək ki, bundan öncə belə ilkin razılaşma bu ilin yanvarında “AGBank”ASC ilə “Demirbank” ASC arasında əldə edilmişdi. Lakin birləşmə baş tutmadı. Belə ki, tərəflər əsas məsələlərə bağlı razılığa gələ bilməyiblər.
“Bank Standard” QSC 1995-ci ildə yaradılıb və “AB Standard” QSC-nin mülkiyyətidir ki, bu da Azərbaycan hökumətinin keçmiş üzvü Heydər Babayevə məxsusdur. 2014-cü il yanvarın 1-i üçün bankın aktivləri 994 mln. manat təşkil edib.
“AGBank” ASC 1993-cü ildən fəaliyyət göstərir. Bankın səhmdarları Beynəlxalq Maliyyə Korporasiyası 17,5%, “Kazimir Partners” şirkəti, həmçinin 60-da çox fiziki şəxsdir. 2015-ci il yanvarın 1-i üçün bankın aktivləri 490 mln. manat təşkil edib. --08B-
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz