Aİ-Azərbaycan biznes-forumunda 200 şirkətin nümayəndəsi iştirak edir

Avropa İttifaqı ölkələrinin  və Azərbaycanın 200-dən çox şirkətinin nümayəndəsi bu gün ADA Universitetində forumda toplaşıblar. Forumda Azərbaycanın investisiya    mühitində və biznesin sahəsində fikir mübadiləsinin aparılmasıdır.

Nazirlərin və nazir müavinlərinin, Aİ ölkələrinin səfirlərinin iştirakı ilə keçirilən görüş zamanı kənd təsərrüfatı, nəqliyyat, logistika, turizm sahəsində, daha ümumi şəkildə Azərbaycanda biznesin necə qurulması məsələlərinə yönələcək. Bu barədə Aİ-nin Azərbaycan nümayəndəliyinin məlumatında deyilir.

“Qeyd etmək lazımdır ki, Azərbaycan bir sıra islahatlar keçirir, ölkə iqtisadiyyatının diversifikasiyası üçün səyləri artırır. Bu, Azərbaycanda maraqları olan Avropa şirkətləri üçün geniş imkanlar yaradır.

Avropa İttifaqı Azərbaycanın ən iri iqtisadi tərəfdaşıdır. Ölkənin ümumi ticarət dövriyyəsində xüsusi çəkisi 44% təşkil edir, həmçinin Azərbaycanda birbaşa xarici investisyaların böyük hissəsini təmin edir.

Aİ islahatlar sahəsində hökumətn səylərini dəstəkləməyə hazırdır. Ümid edirəm ki, bugünkü biznes forum şirkətlər arasında şəbəkələşməni və əlaqələri çoxaldacaq, bu da öz növbəsində ticarət və iqtisadi fəaliyyəti daha da artıracaq”,- Aİ-nın Azərbaycan nümayəndəliyinin rəhbəri Malena Mard bildirib. 

*Aİ 28 üzv dövlətdən ibarətdir və əhalisi 500 milyon nəfərdən artıqdır. Beləliklə Aİ- də Çin və Hindistandan sonra dünyada ən böyük əhalinin yaşadığı məkandır.

İllik ÜDM 14 trilyon avrodur ki, bu da qlobal ticarətin 20%-ni təşkil edir. –06D