AİB AccessBank-a $50 mln kredit ayırıb

Bu gün AccessBank və Asiya İnkişaf Bankı (AİB) arasında 50 mln ABŞ dolları məbləğində kredit müqaviləsi imzalanıb. Sənədi AccessBank-ın baş meneceri Michael Hoffman və AİB-in investisiyalar üzrə baş mütəxəssisi Rainer Hartelin imzalayıb. 

5 il müddətinə ayrılan kredit Azərbaycanın regionlarında mikro və kiçik biznesin inkişafı üçün sərf ediləcək Mixael Hoffman bildirib ki, gələcəkdə daha iri kredit ayrıla bilər. Hazırda  AccessBankın kənd təsərrüfatı üzrə kredit portfeli təxminən 110 milyon ABŞ dollarına çatıb. Bu, bankın 300 milyon dollar məbləğində olan cəmi kredit portfelinin təxminən üçdən bir hissəsidir.

AİB-in Baş Maliyyə Məsləhətçisi Rainer Hartel bildirib ki, əsas məqsədləri tərəfdaş ölkələrdə yoxsulluğun azaldılmasıdır. 10 ildə Azərbaycan bu sahədə çox işlər görüb. Bütün regionların imkanlarının bərabərləşdirilməsi vacib vəzifədir, - deyə o, qeyd edib. 

AccessBank 6 beynəlxalq maliyyə institutunun mülkiyyətidir: AYİB, BMK, QTİB, KfW (hərəsi 20%), AccessHolding (16,5%) və LFS (3,5%). 

Asiya İnkişaf Bankı texniki dəstək və kredit vasitəsilə Asiya və Uzaq Şərq ölkələrində iqtisadiyyatının inkişafına yardım etmək üçün 1966-cı ildə yaradılıb. Bankın kredit portfeli $1,4 mlrd-dır. --17D—