3 iyun 2013-cü il tarixində Bakı Fond Birjasında Azərbaycan İpoteka Fondunun 40 mln manatlıq AZ2006008687 dövlət qeydiyyat nömrəli faizli, adlı, sənədsiz, təmin edilmiş istiqrazlarının 5 mln. manatlıq hissəsinin yerləşdirilməsi üzrə hərrac keçirilib. İstiqrazlar cari qiymətlə satışa çıxarılıb. Hərracda 2 investor iştirak edib.
Fondun məlumatına görə (http://www.amf.cbar.az/?/az/news/view/348), bu, 6-cı emissiyanın 8-ci hissəsidir. İstiqrazların dövriyyə müddəti 10 il, ödənilmə tarixi 6 noyabr 2022-ci ildir. İllik dərəcə 3%-dir.
Bu emissiyadan 7 hərracda 34 mln manatlıq istiqraz yerləşdirilib. 2009-2012-ci illərdə Fond 240 mln manatlıq emissiya yerləşdirib.
AİF 2005-ci ildə yaradılıb, 2006-cı ildən kredit verir. Banklar üçün sərfəsiz sosial ipoteka (maksimum 50 min manat, dərəcə 4%) 2007-ci ildə başlayıb, yarım il sonra dayanıb.
1 iyun 2009-cu ildən kommersiya ipotekası verilir (50 minədək, 3-25 illiyə, dərəcə 8%).
Ötən il AİF 74,77 mln manat kredit verib. --17D—
İqtisadiyyat
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
Rəy yaz