![AİŞ «Holcim»-Azərbaycan ASC-də səhm satışından gəlirini gizlədir](https://turan.az/resized/media/2016/main/022600148108-750-500-resize.webp)
AİŞ «Holcim»-Azərbaycan ASC-də səhm satışından gəlirini gizlədir
“Azərbaycan İnvestisiya Şirkəti” (AİŞ) ASC “Holcim” (Azərbaycan) ASC-də 10% iştirak payını mövcud səhmdarlardan birinə sataraq Qaradağ sement zavodunda öz iştirakını dayandırıb. Bu barədə AİŞ-də dövlətin adından səhmlərin sahibi olan İqtisadiyyat Nazirliyinin illik hesabatında (http://goo.gl/FUdw7Q) deyilir.
AİŞ və Holcim Auslandbeteiligungs Gmbh” arasında sövdələşmə 2015-ci il noyabrın 18-də baş tutub. Müqavilənin dəyəri açıqlanmır. Turan İqtisadiyyat Nazirliyinin mətbuat xidmətindən şərh almaq istəyib. Lakin sövdələşmənin dəyəri barədə məlumat təqdim etməyiblər.
AİŞ 2007-ci ildə “Holcim” (Azərbaycan) ASC-nin əsas səhm paketinin sahibi “Holcim ltd”-dən Qaradağ sement zavodunun 159064 ədəd (10%) səhmini alıb. O zaman müəssisə “Garadagh Cement” ASC adlanırdı. AİŞ “Holcim ltd”-yə (İsveçrə) 13,7 mln. avro ödəyib. 20 manat nominal dəyərində bir səhmə görə 86 manatdan çox ödənilib.
2015-ci ilin birinci yarısında açıqlanmış səhmdarların reyestrinə görə, “Holcim ltd” “Holcim” (Azərbaycan) ASC-nin səhminin 66%-nə sahibdir.
“Holcim Auslandbeteiligungs Gmbh” “Holcim ltd”nin törəmə şirkətidir. Eyni zamanda sement zavodunun 57 474 ədəd səhmi 57 474 (4,24%) ona məxsus olub.
“Holcim” (Azərbaycan) ASC-nin səhmdarları Avropa Yenidənqurma və İnkişaf Bankı (10%), həmçinin bir neçə fiziki şəxsdir.
2015-ci ildə “Holcim” (Azərbaycan) ASC səhmdarlara ümumi məbləği 51,5 mln. manat və ya bir səhmə görə 32,42 manat ödəyib.08B
-
- Cəmiyyət
- 26 Fevral 2016 13:08
-
- Mədəniyyət
- 26 Fevral 2016 15:03
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz