"Alfa Sığorta"nın lisenziyasının fəaliyyəti dayandırıldı
"Alfa Sığorta" sığorta şirkətinin fəaliyyəti dayandırılıb. Maliyyə Nazirliyi yanında Dövlət Sığorta Nəzarəti Xidmətindən verilən məlumata görə, "Alfa Sığorta"nın lisenziyasının müddəti 2013-cü il 8 fevral tarixində bitib, onun uzadılması barədə müraciət nazirliyə vaxtında verilməyib.
Dövlət Sığorta Nəzarəti Xidmətinin sektor müdiri Mahir Abdullayev Turan-a bildirib ki, qaydalara əsasən, sənədlər əvvəlki lisenziyanın müddəti bitənə 1 ay qalmış verilməlidir. Amma şirkət sənədləri 25 yanvarda təqdim etməklə qaydaları pozub. Başqa irad yoxdur, müraciətə baxılır.
Bununla əlaqədar şirkətə sığorta qanunvericiliyinin sığorta və təkrarsığorta əməliyyatlarının dayandırılması ilə bağlı tələblərinə əməl etməsi barədə rəsmi göstəriş verilib.
Müşahidəçilərin fikrincə, “Alfa Sığorta” uzun müddətdir, onun təsisçisi "Bank Technique"ya təzyiq başlayandan sıxışdırılır. Ötən il şirkət avtonəqliyyat vasitələri sahiblərinin mülki məsuliyyətinin icbari sığortası hüququndan məhrum edilib. Nəticədə 1 mln-a qədər mükafat itirilib. O vaxt səbəb kimi guya müştərilərə qanunla qadağan edilən güzəştlər təklif edildiyi göstərilib. Yəqin, Dövlət Sığorta Nəzarəti Xidməti başqa strukturları yoxlamır, yoxsa onlarda da belə nöqsanlar tapardı.
Şirkət kapital səviyyəsi və bütün iqtisadi zonalarda təmsilçiliyi olması səbəbindən İcbari Sığorta bürosunun üzvüdür.
«Alfa Sığorta» şirkəti 1997-ci ildə təsis edilib. Şirkət 25 sığorta növü üzrə xidmət göstərir. 2008-ci ilin fevralında müddətsiz lisenziya alıb. Yeganə təsisçisi və əsas səhmdarı «Texnikabank»dır.
Dövlət Sığorta Nəzarəti Xidmətinin məlumatına görə, ötən il şirkətin mükafatları 5, 34 mln manat, ödənişləri 1,14 mln manat olub. --17D—
-
- İqtisadiyyat
- 14 Fevral 2013 15:51
-
- Cəmiyyət
- 14 Fevral 2013 15:54
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz