Dünya bazarlarında ilkin alüminiumun qiymətinin 1700-2200 dollar arasında dəyişməsi Azərbaycanın yeganə əlvan metal istehsalçısının ixrac və maliyyə göstəricilərinə təsir edir. İlin əvvəlindən alüminium ixracı pul ifadəsində 16% azalıb.
Det.AL Holding şirkətinin 2011-ci ilin oktyabrında Gəncədə tikdiyi alüminium zavodu ildə 50 min ton alüminium istehsal edir. Dövlət Gömrük Komitəsinin məlumatına görə, 9 ayda ölkədən $60,9 mln-luq alüminium ixrac edilib. Ölkə ixracatında alüminiumun xüsusi çəkisi 0,34% olub.
2014-cü ildə Det.AL Holding müəssisənin ikinci mərhələsinin tikintisini başa çatdırıb istehsal gücünü 100 min tona çatdırmaq istəyir.
Təsisçisi məlum olmayan holdinq tikinti, nəql, elektrik naqilləri istehsalı, elektronika, qida sənayesində tətbiq edilə biləcək yarımfabrikat istehsal etməyi planlaşdırıb. Layihənin gedişi barədə məlumat verilmir.
Bu ilin aprelində Det.AL Holding Daşkəsən dağ-mədən kombinatı üzərində nəzarəti itirib. Bu müəssisəinin səhmləri dövlət başçısının fərmanı ilə “Azərbaycan Polad İstehsalı Kompleksi” QSC-yə verilib.
2008-2011-ci illərin dünya böhranı Azərbaycanın alüminium sənayesinə də zərbə vurub. Sumqayıt alüminium zavodu işini dayandırıb. AMB onun borclarının ödənilməsi üçün SC-yə 200 mln manat ayırıb.
DGK-nın məluymatına görə, 2008-ci ildə Azərbaycandan $122,3 mln qiymətində 61 min ton alüminium ixrac edilib. Bu, 2007-ci ildəkindən 45,5% çoxdur. 2010-2012-ci illərdə bu göstərici $2 683,93 min, $12 689,56 min və $94 929,43 min təşkil edib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz