![AMB banklara kreditləri yeni qaydalarla verəcək](https://turan.az/resized/750/500/resize/media/2016/main/052000156735.jpg)
AMB banklara kreditləri yeni qaydalarla verəcək
Ötən gün Azərbaycan Mərkəzi Bankı tərəfindən banklara kreditlərin verilməsi qaydaları qüvvəyə minib.
AMB sədri Elman Rüstəmovun 25/1 saylı əmri ilə Mərkəzi Bank banklara 3 növ - yenidən maliyyələşdirmə, sonuncu instansiya və məqsədli kreditlər verir. Yenidən maliyyələşdirmə kreditləri banklara 30 günədək, 360 günədək və 360 gündən yuxarı müddətə verilə bilər.
Kreditlər hərraclar yolu ilə birbaşa (müəyyən edilmiş faiz dərəcəsi olmadan) və ya kreditləşmənin məbləği açıqlanmadan verilir.
Yenidənmaliyyələşdirmə kreditləri Mərkəzi Bankın İdarə Heyəti tərəfindən siyahısı təsdiq olunmuş qiymətli kağızlar, kredit alan bankın Mərkəzi Bankda xarici valyuta hesablarındakı vəsaitlər qismində aktivlərlə təmin olunmalıdır.
Bir ildən yuxarı müddətə kreditlər AMB İdarə Heyətinin qərarı ilə verilir.
Mərkəzi Bank bankların ödəmə qabiliyyətinin qısamüddətli pozulması və likvidlik çatışmazlığı hallarında Maliyyə Bazarlarına Nəzarət Palatasının müraciəti əsasında banklara 6 aydan artıq olmayan müddətə sonuncu instansiya kreditləri verə bilər.
Mərkəzi Bank müraciət daxil olduqdan sonra 2 iş günündən gec olmayaraq kreditin verilib-verilməməsi barədə qərar qəbul edir.
Sonuncu instansiya kreditləri dövlət zəmanəti, AMB İdarə Heyəti tərəfindən siyahısı təsdiq olunmuş qiymətli kağızlar, kredit alan bankın AMB-də xarici valyuta hesablarındakı vəsaitlər, daşınmaz əmlak və qızıl külçə formasında bank metalı qismində aktivlərlə təmin olunmalıdır.
Kreditlər üzrə təminat predmetinin kredit öhdəliyinə nisbəti ən azı aşağıdakı kimi olmalıdır:
- Dövlət zəmanəti və dövlət qiymətli kağızları - 100%;
- Müxbir hesablardakı vəsaitlər, dövlət qiymətli kağızları istisna olmaqla AMB İdarə Heyəti tərəfindən siyahısı təsdiq olunmuş qiymətli kağızlar və qızıl külçə formasında bank metalı - 110%;
Daşınmaz əmlak - 150%. --17D—
-
- İqtisadiyyat
- 20 May 2016 18:09
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz