Bu ilin aprelində Milli Depozit Mərkəzində korporativ qiymətli kağızların dövriyyəsi 138,6 mln manat olub. Bu, ötən ilin aprelindəkindən 5,6 dəfə çoxdur. Qiymətli kağızların alqı-satqısının böyük hissəsi təkrar bazarda birja əməliyyatlarının payına düşür – 80,3 mln manat. 2012-ci ilin eyni dövründə bu göstərici 3,4 mln manat olub.
Apreldə 58,1 mln manat qiymətində korporativ qiymətli kağızlar yerləşdirilib. Bu, 2012-ci ilin eyni dövründəkindən 40 mln manat çoxdur.
MDM-də birjadankənar əqdlər üzrə əməliyyatlar kəskin düşüb (177 min manat).
2013-cü ilin 4 ayında MDM-də korporativ qiymətli kağızlar üzrə 294,6 mln manat məbləğində əməliyyatlar qeydiyyata alınıb. Bu, 2012-ci ilin eyni dövründəkindən (535,3 mln manat) 45% azdır..
İlin ötən dövründə MDM 1503 əqd qeydiyyata alıb. Bu, 2012-ci ilin yanvar-aprelindəkindən 1,6% azdır. 08B
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz