Aprelin 10-da Bakıda su texnologiyaları sərgisi keçiriləcək

10-12 aprel 2014-cü il tarixində Bakı Ekspo Mərkəzində 2-ci Xəzər Beynəlxalq Su texnologiyaları (CATEC 2014) sərgi və konfransı keçiriləcək. Bu il CATEC sərgisində su təchizatı və tullantı / yağış sularının təmizlənməsi sistemləri, eləcə də mikrotunel tikintisi, suyun analizi üçün ölçmə və tənzimləmə texnologiyaları, pompalar, borular, nasos sistemləri, hidrantlar, tikinti texnikası və avadanlıqları, geotermal texnologiyalar və su təchizatı və kanalizasiya sahəsində tətbiq
olunan digər ən yeni texnologiyalar təqdim ediləcək.

CATEC 2014 sərgisində Avstriya, Azərbaycan, Belarus, Almaniya, Danimarka, İsrail, İtaliya, Kanada, Litva, Rusiya, ABŞ, Türkiyə və İsveçrədən aparıcı texnologiya şirkətləri və təchizatçıların, habelə ekoloqlar və tikinti şirkətlərinin iştirakı gözlənilir.

Onların sırasında Akkord Azerbaijan, Amiad Water Systems, AVK, Culligan, Elektromed, Erkon, Flotenk, GEA Westfalia, Greenworks, Sampro Canada, Grundfos və başqaları var.

Paralel olaraq “JW Marriott Absheron Baku” otelində 2-ci
Xəzər Beynəlxalq Su texnologiyaları konfransı keçiriləcək.

Sərgi və konfrans “Azərsu” Açıq Səhmdar Cəmiyyətinin təşəbbüsü və rəsmi dəstəyi ilə təşkil olunub. Sərginin təşkilatçısı Iteca Caspian şirkətidir. 08D