Bakı/17.02.17/Turan: Sahibkarlığa Kömək Milli Fondu 6 aqroparkın yaradılmasına 48 milyon manat güzəştli kredit ayırıb.
Bu barədə Şəmkir rayonunda Fond rəhbərliyinin sahibkarlarla görüşündə məlumat verilib.
SKMF yaradılmaqda olan iki aqroparkın adını çəkir: “Şəmkir Aqropark” və Xaçmaz rayonunda yerləşən “Yalama Aqropark”. Başqa aqroparklar haqda məlumat verilmir. Yalnız o məlumdur ki, Xızı rayonunda üçüncü aqroparkın layihəsi hazırlanıb.
Buna qədər iqtisadiyyat naziri Şahin Mustafauev məlumat vermişdi ki, 19 rayonda (Ağcabədi, Beyləqan, Kürdəmir, Ağsu, İmişli, Cəlilabad, Salyan, Füzuli, Saatlı, Şamaxı, Yevlax, Ağdaş, Şəmkir, İsmayıllı və s) daha 26 aqropark yaradılması planlaşdırılır. Bu günlərdə “Azərişıq” ASC Hacıqabul və Şamaxı rayonlarında yaradılan aqroparklar üçün elektrik ötürücü xətti tikintisi üzə tender elan edib. Bu aqrokomplekslərin yaradılmasına maraq göstərən şirkətlər barədə ictimaiyyətə heç nə məlum deyil. 08В
İqtisadiyyat
-
Azərbaycanın Nazirlər Kabineti 27 aprel 2023-cü il tarixli, 136 nömrəli Qərarla təsdiq edilmiş ölkənin istehlak bazarında strateji əhəmiyyətli malların siyahısına dəyişiklikləri təsdiqləyib. Yenilənmə, Dövlət Ehtiyatları haqqında Qanunun və müvafiq prezident fərmanının tətbiqi ilə əlaqədar həyata keçirilib, hökumət cümə axşamı elan edib.
-
Azərbaycan və Latviya işgüzar dairələrinin nümayəndələri Bakıdakı "Azərbaycan-Latviya İnformasiya və Şəbəkə Görüşü" çərçivəsində bir araya gəliblər. Tədbir, iki ölkə arasında iqtisadi əməkdaşlığın gücləndirilməsinə doğru atılan mühüm addım kimi qiymətləndirilir. Latviyanın Azərbaycandakı səfiri Edgars Skuya tədbirin hər iki ölkənin sahibkarlarını birləşdirmək, müxtəlif sahələrdə əməkdaşlığı artırmaq məqsədini daşıdığını vurğulayıb.
-
Noyabrın 7-də Azərbaycan Prezidenti Milli Məclis tərəfindən “Kredit büroları haqqında” Azərbaycan Respublikasının Qanununa edilən dəyişiklikləri təsdiqləyib. Dəyişikliklər haqqında qanunun mətni noyabrın 28-də dərc olunub.
-
Avropa Yenidənqurma və İnkişaf Bankı (EBRD) Azərbaycana dair 2024-2025-ci illər üçün keçid hesabatını təqdim edib və ölkəni iqtisadi idarəetməni yaxşılaşdırmaq və özəl sektorun inkişafına təkan vermək üçün cəsarətli addımlar atmağa çağırıb. Hesabatda Azərbaycanın iqtisadi inkişafı üçün əsas prioritetlər müəyyən edilib və enerji bazarlarının dəyişkənliyinə olan asılılığından irəli gələn problemlər vurğulanıb.
Rəy yaz