Neftin qiyməti ucuzlaşsa da, Neft Fondu öz büdcəsinin icrasında kəsir gözləmir.
«Neft Fondunun büdcəsində 100 dollar proqnozlaşdırılıb. Yanvar-noyabrda 1 barrelin orta qiyməti 105,6 dollar olub. Sonrakı ayların qiymətindən asılı olmayaraq ARDNF-nin büdcəsində kəsir olmayacaq», - deyə Fondda qeyd ediblər.
Beləliklə, Fondun dövlət büdcəsi qarşısında öhdəliyi yerinə yetiriləcək.
2015-ci ilin dövlət büdcəsində neftin barrelinin 90 dollar proqnozlaşdırılması ilə bağlı ARDNF-də deyiblər ki, bu qiymət Sənaye və İqtisadiyyat Nazirliyinin proqnozu ilə müəyyn edilir. Fondun büdcəsi tərtib ediləndə bu göstərici nəzərə alınır.
Neftin ucuzlaşması ABŞ-ın 2014-cü ilin yazından neft tədarükünü artırması ilə bağlıdır. Həmçinin ABŞ və Aİ İrana sanksiyaları qaldırıb..
Ötən həftə Azərbaycan neftinin orta qiyməti 1 barrel üçün 78,1 dollar olub. Bu, əvvəlki həftədəkindən 2,2 dollar azdır. Ötən həftə AZERI LT-ın maksimal qiyməti 82,14 dollar, minimal qiyməti 73,36 dollar olub.
1 oktyabr 2014-cü il üçün ARDNF-nin aktivləri ilin əvvəli ilə müqayisədə (35 877,5 mln dollar) 3,98% artaraq 37 305,3 mln dollar olub.—0—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz