ARDNF qızılın ucuzlaşmasından $103,2 mln itirib

Dövlət Neft Fondu qızılın ucuzlaşmasından $103,2 mln itirib. Turan Agentliyi ARDNF-nin qızıl ehtiyatını analiz edərək bu qənaətə gəlib.

2014-cü ilin sonunda Neft Fondu 30 ton qızıl yığıb. Bu, onun aktivlərinin 5%-i qədər olmalı idi. 1 iyul  2015-ci il üçün Fondun aktivləri əvvəlki ilə nisbətən 3,56% azalaraq $35,78 mlrd manat olub.

Strateji qızıl ehtiyatı yaradılması barədə qərar 2011-ci ildə qəbul edilib, 2011-ci ilin sonunda AMB-də  $28,4  mln məbləğində 513,6 kq qızıl saxlanılırdı. Hökumət o vaxt qeyd edirdi ki, qızılın qiymətinin əhəmiyyəti yoxdur, məqsəd strateji qızıl ehtiyatı yaratmaqdır.

2014-cü ilin martında ARDNF-nin icraçı direktoru Şahmar Mövsümov məlumat verib ki, qızılın 1 Troya unsiyası (31.1034768 qram) $1200-a alınıb. Beləliklə, ARDNF qızıl ehtiyatına $1 157 462 876 xərcləyib. 28 iyul 2015-ci ildə qızılın unsiyası Forex-də $1093 olub. Bugünkü qiymətlə qızıl ehtiyatı 8,91% və ya 103,2 mln ucuzlaşaraq $1 054 222 983 təşkil edib.

RBK bildirir ki, son 3 ildə qızıla investisiya qoyanlar sərmayələrinin 40%-i itirib. 2012-ci ilin oktyabrından o, $1790-dan $1098-a ucuzlaşıb. 2015-ci ilin əvvəlindən itkilər 7,7% olub. RF Qızıl Sənayeçiləri İttifaqının rəhbəri Kaşubanın sözlərinə görə, sonuncu azalma ABŞ-ın ФРС dərəcəsinin azalması və Çinin qızılı az alması ilə bağlıdır.

Analitiklər qızılın yenə ucuzlaşacağını gözləyir. Arbat Capital 2015-ci il üçün strategiyasında qiymətin $1100–1300 civarında olacağını bildirib. Strategiyanın müəlliflərindən olan Orlov bu proqnozu təsdiq edir. Capital Economics-dən Qambarini də belə hesab edir. Onun fikrincə, 2015-ci ilin sonuna kimi $1200, 2016-cı ilin sonu üçün $1400 olacaq. 

Commerzbank analitiki D.Brizmanın hesabatına görə, qızıl $1250-a olacaq, Goldman Sachs isə ucuzlaşmanın davam edəcəyini bildirir. Bankın anlitiki Cefri Karri hesab edir ki, ilin sonuna qızıl $1000-dan da ucuz olacaq. Morgan Stanley analitikləri daha bədbindir. Onlar hesab edirlər ki, 1 unsiya hətta $800-a düşə bilər. -0-