Hazırda ARDNŞ-nin xaricdəki investisiyaları $2,9 mlrd-a çatıb. Bu barədə şirkətin I vitse-prezidenti Süleyman Qasımov mətbuata məlumat verib.
Onun sözlərinə görə, bu vəsaitlər Türkiyə, Ukrayna, Gürcüstan və s. ölkələrə yönəldilib. "Türkiyədəki Star layihəsini ARDNŞ-nin törəmə şirkəti icra edir. Onun qiyməti $5 mlrd-dır və 41,5%-i ARDNŞ-nin payına düşür", - deyə Qasımov izah edib.
ARDNŞ ilk dəfə 2007-ci ildə xaricə investisiya qoyub. O vaxt SOCAR Georgia Petroleum şirkəti yaradılıb. Sonra SOCAR Georgia Gas, 2008-ci ildə Black Sea Terminal peyda olub. 2008-ci ilin mayında ARDNŞ Petkimin səhm nəzarət paketini $2.05 mlrd-a alıb. 2009-cu ildə Ukrayna və Rumıniyanın neft məhsulları satışı bazarına girib. 2011-ci ildə şirkət İsveçrədə neft məhsulları satışı bazarına daxil olub. 2008-ci ildən ARDNŞ-nin İsveçrədə treyder şirkəti var - SOCAR Trading.
ARDNŞ mütəxəssisləri bildirir ki, 5 ildən sonra şirkətin Türkiyədəki layihələrinin ümumi qiyməti $17 mlrd-a çatacaq. --12B--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz