ARDNŞ-nin neft-kimya və neft emalı kompleksinin tərkibində olacaq yeni qaz emalı zavodunun təməli bu ilin sonunda qoyulacaq. Bu barədə bu gün jurnalistlərlə söhbətində ARDNŞ-nin strateji inkişaf üzrə vitse-prezidenti Tofiq Qəhrəmanov bildirib.
Onun sözlərinə görə, tezliklə QEZ-in tikintisi üzrə tender elan ediləcək. Tenderin qalibinin müəyyən edilməsi yarım il çəkəcək. Bu vaxta kimi zavodun müfəssələ injinirinqi hazır olacaq. QEZ-in emal gücü ildə 12 mlrd m3 olacaq. Amma birinci mərhələdə zavod 6 mlrd m3 qaz emal edəcək.
ARDNŞ vitse-prezidentinin sözlərinə görə, QEZ-in ərazisi 4,5 min ha-dır. Kompleksin bir hissəsi Qaradağ, qalan hissəsi Abşeron rayonu ərazisindədir. "Bakı ŞİH kompleks üçün ərazi ayırıb və yaxın vaxtlarda Abşeron rayon İcra Hakimiyyətinin ərazi ayıracağı gözlənilir", - deyə Qəhrəmanov bildirib.
ARDNŞ təmsilçisinin sözlərindən görünür ki, yeni QEZ-in tikintisinə 2014-cü ildən tez başlanılmayacaq. Tikinti işləri 3 ilə başa çatacaq.
Qeyd edək ki, ilkin məlumata görə, QEZ-in qiyməti bank faizləri nəzərə alınmadan $2,4 mlrd təşkil edəcək. --12С—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz