Sayı 40-dan artıq olan dövlət kənd təsərrüfatı müəssisələrində islahatlar aparılacaq. Kənd təsərrüfatı nazirinin müavini İlham Quliyev bu gün Turana bildirib ki, onların bir hissəsi, ziyanla işləyənlər özəlləşdiriləcək.
Birinci mərhələdə 3 müəssisənin özəlləşdirilməsi planlaşdırılır. Artıq bu ilin sonuna proses başlaya bilər. «Əkinçilik və maldarlıqda ixtisaslaşdırılmış dövlət kənd təsərrüfatı müəssisələri təsərrüfat hesabına işləyir. Bununla belə Kənd Təsərrüfatı Nazirliyi hökumətə onların sağlamlaşdırılması üçün təkliflər planı təqdim edib", deyə nazirlik nümayəndəsi qeyd edib.
Dövlət kənd təsərrüfatı müəssisələrinin balansında 100 min hektardan artıq torpaq sahəsi var. Onların toxumçuluq və cins heyvandarlıq fondunun formalaşdırılmasına yönəldilməli olan fəaliyyəti ölkənin aqrar sektorunun inkişafında hiss olunmur. Bu gün Azərbaycanda kənd təsərrüfatı məhsullarının təxminən 99%-i özəl sektor istehsal edir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz