Sabah Bakıda qida sənayesi sərgisi açılır

Sabah Bakıda Ekspo Mərkəzdə 19-cu Azərbaycan Beynəlxalq «Qida sənayesi» WorldFood Azerbaijan 2013 açılır. Bu dəfə sərgi rekord həcmdə - 31 ölkədən 179 şirkət toplayıb. 

Bu gün təşkilatçılar mətbuat konfransı təşkil edib. Kənd təsərrüfatı nazirinin müavini İlham Quliyev bildirib ki, tədbir kənd təsərrüfatı, qida sənayesi və qablaşdırma sənayesinə mühüm töhfə verəcək. Təşkilatçılar Iteca Caspian LLC və ITE Group PLC şirkətləridir.

ITE Group-un direktoru Edvard Stroon deyib ki, WorldFood Azerbaijan 2013-də iştirakçı sayı və sərgi sahəsi 27% artıb. Sərgidə MDB və Avropa şirkətləri üstünlük təşkil edir. Yerli şirkətlər eksponentlərin 38%-dir. Naxçıvanın ayrıca stendi var. Bu il debütantlar (Azərbaycan, Rusiya, ABŞ, Türkiyə şirkətləri) 45%-dir. İlk dəfə WorldFood Azerbaijan-da Latviya, Belçika və İranın mill stendləri iştirak edir. Özbəkistan və İordaniya şirkətləri sərgiyə ilk dəfə gəlir. WorldFood Azerbaijan-da bir neçə tematik növ var: qida sənayesi, içkilər, texnologiyalar. 

WorldFood Azerbaijan-ın satış direktoru Samirə Teymurova deyib ki, sərgidə qida sənayesi avadanlığı, ət, konserv məhsulları, baqqaliyyə məmulatları, inqredientlər, çay, meyvə və tərəvəz, qənnadı məmulatları, içkilərin geniş çeşidi təqdim edilir. 

Qablaşdırma, Tara, Etiket və Poliqrafiya Sərgisində Azərbaycan, Macarıstan, Litva, Rusiya, Türkiyə, Çexiya və başqa ölkələrdən şirkətlər iştirak edir. 

İlk iki gündə sərgilər mütəxəssislər, qida sənayesi təmsilçiləri, topdan və pərakəndə alıcılar, kənd təsərrüfatı məhsulları alıcıları, distribütorlar üçün açıq olacaq. Sərgi bağlanan gün (24 may) hamı üçün açıq olacaq. Təşkilatçılar 6 min nəfərin gələcəyini gözləyir. 08C