“Azərbaycanla Türkiyə səylərini birləşdirib Transanadolu qaz kəmərini (TANAP) həyata keçirəcək”, - deyə ARDNŞ prezidenti Rövnəq Abdullayev 27 iyunda İstanbulda TANAP üzrə hökumətlərarası sazişin imzalanmasını şərh edərkən bildirib. Bu barədə ARDNŞ mətbuat xidməti məlumat verir.
Abdullayevin fikrincə, Transanadolu qaz kəməri Türkiyənin daxili bazarına təbii qaz tədarük olunması üçün müstəsna əhəmiyyət kəsb edən bir layihədir. Eyni zamanda, bu layihə Avropa ölkələrinin enerji təhlükəsizliyinin təminatı baxımından mühüm töhfədir.
“Məlum olduğu kimi, Avropa ölkələrinə qazın hansı yolla nəql olunacağı haqda son qərar 2013-cü ildə veriləcək. Bu günlərdə isə “Şahdəniz” konsorsiumu yataqdan hasil olunacaq təbii qaz həcmlərini Mərkəzi Avropaya təchiz edəcək boru kəmərləri arasında (Nabucco Vest və South East European Pipeline layihələri arasında) seçim edəcək. Seçiləcək variant və TAP (Transadriatik qaz boru kəməri) layihəsi son qərarın çıxarılması prosesində bərabər hüquqda nəzərdən keçiriləcək”, - deyə ARDNŞ rəhbəri bildirib.
Abdullayev qeyd edib ki, İstanbulda imzalanmış sənədlər paketi tərəflər arasında razılaşdırılmış qrafikə uyğun hazırlanıb. “2011-ci ilin dekabrında tərəflər TANAP üzrə konsorsiumun yaradılmasına dair Memorandum imzalayıb və layihədəki iştirak paylarını razılaşdırıb. Memorandumda tərəflər həmçinin 2012-ci il iyun ayının sonlarına qədər layihə şirkətinin yaradılması, Hökumətlərarası Müqavilənin və “TANAP Co” ilə Türkiyə Hökuməti arasında Müqavilənin (bu sənəddə tərəflərin layihənin icrası üzrə hüquq və vəzifələri öz əksini tapır) imzalanması haqda razılığa gəliblər. İstanbuldakı imzalanma mərasimi ilə bütün bu məsələlər artıq reallığa çevrilib” deyə Abdullayev vurğulayıb.
Sonra ARDNŞ rəhbəri əminlik ifadə edib ki, TANAP layihəsi “Şahdəniz” yatağının işlənilməsinin 2-ci mərhələsi çərçivəsində təbii qaz hasil olunana qədər həyata keçiriləcək.
* “Şahdəniz - 2” çərçivəsində ilk qazı 2017-ci ilin sonunda əldə etmək planlaşdırılır. --12D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz