ASPC Rusiya konsorsiumunun təklifinə baxır

«Azərbaycan Polad İstehsalı Kompleksi» (ASPC)  kompleksə daxil olan "Dənəvər" zavodunun tikintisi üzrə "Uralmaşzavod" ASC və "Elekrtostal Ağır Maşınqayırma Zavodu" ASC-nin birgə hazırladıqları texniki təklifləri müzakirə edib.

Rusiyanın təkliflərini "Elekrtostal Ağır Maşınqayırma Zavodu" ASC-nin baş direktoru Vladimir Zarudnı təqdim edib. Onun sözlərinə görə,  "Uralmaşzavod" və "Elekrtostal Ağır Maşınqayırma Zavodu" çoxillik təcrübəsi ilə metallurgiya sənayesi üçün ən müasir komplekslərin layihələndirilməsini və tikintisini müvəffəqiyyətlə həyata keçirən «dünya miqyaslı zavodlardır”. Bu qurum son 50 ildə bu tip 52 zavod quraşdırıb. ASPC QSC-də Turan-a bildiriblər ki, yəqin ki, bu il Gəncədə 3 əsas zavoddan ibarət kompleksin tikintisi üzrə texniki təkliflər seçimi başa çatacaq. İlkin analizlə müəyyən edilib ki, kompleksə investisiyalar 4 ilə xərcini çıxaracaq. Kompleksin gücü ildə 1,5 mln ton (armatur, şveller, polad lövhələr və s).

Hazırda Daşkəsən Dağ-Mdən Kombinatının gücü 350 min tondur. Bu ilin I yarısında dəmir filizi konsentratı istehsalı həcmi 54,6 min ton olub. Bu, ötən ilin eyni dövründəkindən 0,9% çoxdur.

ASPC-in mətbuat xidmətində Turan-a bildiriblər ki, KPMG şirkəti 2014-cü ilin maliyyə hesabatının auditini həyata keçirir və nəticələr cəmiyyətə açıqlanacaq.

«Azərbaycan Polad İstehsalı Kompleksi» Azərbaycan prezidentinin 23 aprel 2013-cü il tarixli fərmanı ilə yaradılıb. 08B