Avqustda qiymətlər düşməkdə davam edib

Dövlətstatkom maydan avqusta kimi deflyasiya qeydə alıb. DSK-da Turan-a bildiriblər ki, avqustda istehlak qiymətləri iyulla müqayisədə 0,3% düşüb. Maraqlıdır ki, büdcə təşkilatlarında maaş artımı qeyd ediləndən sonra avqustda bir sıra ərzaq məhsullarında bahalanma olub. 

Rəsmi məlumata görə, avqustda ərzaq 0,8% ucuzlaşıb. 

DSK avqustda ət (mal, qoyun, quş əti), kolbasa, xama, yumurta, kərə yağı, lobya, kök, xiyar, limon və göy bahalanıb. Müstəqil ekspertlər bildirir ki, avqustun son günlərində avqustun son günlərində mal və qoyun əti, soğan və kartof kəskin bahalanıb. Ekspertlər hesab edir ki, bu, müvəqqətidir və möhtəkirlərin işidir. Dövlətstatkoma görə, avqustda unun, qarabaşaq yarmasının, pasterizə olunmuş və olunmamış üzlü südün, almanın, armudun, şaftalının, qarpız və yemişin, üzümün, kələmin, pomidorun, bibərin, badımcanın, çuğundurun, soğanın, sarımsağın, şəkər və şəkər tozunun qiymətlərində ucuzlaşma olub. 

Əhaliyə pullu xidmətlər 0,1% bahalanıb. Qeyri-ərzaq mallarının qiyməti sabit qalıb. 

Avqust ayında əhaliyə göstərilən pullu xidmətlərdən hava sərnişindaşıma nəqliyyatı tariflərində bahalaşma müşahidə olunub. 

Azərbaycanda may ayından başlayan deflyasiya davam edir. Mayda ərzaq 0,4%, iyunda 1,1%, iyulda 0,7% ucuzlaşıb. 

Hökumət 2013-cü ildə 5% inflyasiya proqnozlaşdırır. 08D