ins.az
Avqustun 1-dən "Parabank", "Zaminbank", "Kredobank" və "Dekabank"ın əmanətləri üzrə kompensasiya veriləcək.
Azərbaycan Əmanətlərin Sığortalanması Fondunun icraçı direktoru Azad Cavadov bugünkü mətbuat konfransında deyib ki, 4 bank üzrə ümumi kompensasiya məbləği 110 mln 714 mindir.
Parabankda fiziki əmanətlər üzrə kompensasiya məbləği 43 mln 788 min manat, ümumi əmanət məbləği 87 mln 619 min manatdır.
Zaminbankda 36 mln 350 min manatlıq əmanət kompensasiya ediləcək, ümumi əmanət məbləği 53 mln 632 min manatdır.
Kredobankda kompensasiya məbləği 27 mln 768 min, ümumi əmanət məbləği 30 mln 206 min manatdır.
Dekabankda kompensasiya məbləği 2 mln 807 min manat, ümumi əmanət məbləği 5 mln 585 min manatdır.
A. Cavadovun sözlərinə görə, kompensasiyaların verilməsi hər bir bankın özü tərəfindən aparılacaq. Sığortalanan ümumi əamnət məbləği 30 iyun üçün 4,5 mlrd manatdır.
O həmçinin bildirib ki, sığortalanan əmanətlər üzrə kompensasiya verilməsi başa çatandan sonra həmin banklarda istisnasız bütün əamnətlər üzrə kompensasiya verilməyə başlanılacaq.
ADIF-in məlumatına görə, əmanətlərin 80%-i xarici valyuta ilədir.
1 mart 2016-cı il üçün manatla 12% və xarici valyuta ilə 3%-dək illik faizlə qoyulan əmanətlər məbləğindən asılı olmayaraq qorunan əmanət sayılır. Bu qayda 1 mart 2019-cu ilə kimi qüvvədə olacaq..
1 mart 2016-cu ilə kimi məbləği 30 min manatdan, illik dərəcəsi 12%-dən çox olmayan əmanətlər sığortalanıb.—0--
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz