![Avrasiya aktuarları Bakıda toplaşıb](https://turan.az/resized/./turan-750-500-resize.webp)
Avrasiya aktuarları Bakıda toplaşıb
Bakıda Beynəlxalq Aktuarlar Assosiasiyasının Avrasiya və Yaxın Şərq üzrə Komitəsinin ikigünlük iclası başlayıb.
Əsas təşkilatçılar Azərbaycan Sığortaçılar Assosiasiyası və Azərbaycan Aktuarlar Assosiasiyası, təşəbbüsçülər Beynəlxalq Aktuarlar Assosiasiyası və Azərbaycan Maliyyə Nazirliyidir.
Azərbaycan Aktuarlar Assosiasiyasının sədri Xədicə Qasımova qeyd edib ki, risklərin dəqiq riyazi hesablanması dünyadakı proseslər fonunda aktualdır. Onun sözlərinə görə, qlobal maliyyə böhranı risklərin düzgün idarə edilməməsinin mənfi nəticələrini bir daha nümayiş etdirib. O həmçinin deyib ki, Beynəlxalq Aktuarlar Assosiasiyasında müşahidəçi olan Azərbaycan Aktuarlar Assosiasiyası assosiasiyanın tamhüquqlu üzvü olmağı planlaşdırır.
Dövlət Sosial Müdafiə Fondunun (DSMF) sədri Elman Mehdiyev çıxışı zamanı qeyd edib ki, 2003-2015-ci illərdə fonda sosial ayırmaların həcmi 9 dəfə, pensiya ödənişlərinə yönəldilən vəsaitin həcmi 9,5 dəfə artıb.
İclasda BAA-nın nümayəndələri, 20-yə yaxın ölkədən 40-dan çox beynəlxalq dərəcəli aktuar və yerli sığorta sistemində çalışan 50-dən çox aktuar iştirak edir.
İki gündə aktuar peşəkarlığı, tibbi sığortada maliyyələşdirilmə, dəyişən mühitdə strateji aktivlərin yerləşdirilməsi və idarə edilməsi, ödəmə qabiliyyəti, təqaüd sistemlərinin maliyyə sabitliyi, beynəlxalq təcrübədə Sığorta ehtiyyatlarının hesablanması və qeyri-həyat sığortasında yaradılan sığorta ehtiyatlarında təkrarsığortaçıların payı, Beynəlxalq Aktuarlar Assosiasiyasının prinsiplərinin yerli qanunvericiliyə implementasiyası və s məsələlər müzakirə ediləcək. --17D—
-
- Siyasət
- 28 Sentyabr 2015 14:52
-
- İqtisadiyyat
- 28 Sentyabr 2015 16:29
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz