![Avropa İnvestisiya Bankı TANAP-a 1 mlrd. dollar ayıracaq](https://turan.az/resized/media/2016/main/020500146050-750-500-resize.webp)
Avropa İnvestisiya Bankı TANAP-a 1 mlrd. dollar ayıracaq
2016-cı ildə Avropa İnvestisiya Bankının (AİB) Türkiyədəki prioriteti ölkənin energetika sektoruna dəstək olacaq. Bu barədə “Anadolu” agentliyinə AİB sədr müavini Pim van Ballekom bildirib.
Onun sözlərinə görə, hazırda AİB-in gündəliyində Transanadolu qaz kəmərinin (TANAP) tikintisi məsələsi var. “8 mlrd. dollar dəyəri olan bu böyük və strateji layihənin həyata keçirilməsi üçün bankımızdan 1 mlrd. dollar istənilib. Biz bu dəstəyi təmin edəcəyik, amma dərhal deyil, mərhələli şəkildə”, deyə Ballekom bildirib.
AİB-in sədr müavini qeyd edib ki, enerji resurslarının nəqlinin müxtəlifləşdirilməsi və təhlükəsizliyi mövzusu Türkiyə üçün çox vacibdir. O xatırladıb ki, ötən il AİB Türkiyəyə energetika və nəqliyyatın maliyyələşdirilməsi üçün 2,3 mlrd. dollar ayırıb.
Xatırladaq ki, TANAP Azərbaycandan Türkiyəyə, oradan isə Avropaya qaz nəqlini təmin edəcək Cənub Qaz Dəhlizinin bir hissəsidir. -02D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz