Azərbaycan – Aİ Tərəfdaşlıq Komissiyasının 8-ci iclası fevralın 19-da Bakıda keçiriləcək. İclasda energetika və nəqliyyat məsələləri müzakirə olunacaq. Avropa İttifaqını Avropa Xarici Fəaliyyət Xidmətinin, Energetika, ətraf mühit üzrə Baş Direktorluğun və Avropa Komissiyasının, habelə Aİ-nin Bakı missiyasının məmurları təmsil edəcəklər. Nümayəndə heyəti üzvləri Azərbaycan hökuməti rəsmiləri ilə danışıqlar aparacaqlar, deyə Avropa İttifaqının Bakı missiyasının press-relizində bildirilir.
“Görüşdə Aİ-Azərbaycan münasibətlərinin mühüm məsələləri, o cümlədən energetika sahəsində əməkdaşlıq, nəqliyyat dəhlizləri və ətraf mühit məsələləri müzakirə olunaca”, deyə Aİ missiyasının rəhbəri səfir Rolan Kobia bildirib.
Aİ-Azərbaycan Komissiyasının bu məsələlər üzrə əvvəlki iclası 17 fevral 2012-ci ildə keçirilmişdi. -02D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz