![Avtomobil yollarının ətrafında yaşıllıqların salınması vaxtından əvvəl başa çatıb](https://turan.az/resized/750/500/resize/media/2013/main/032800032634.jpg)
Avtomobil yollarının ətrafında yaşıllıqların salınması vaxtından əvvəl başa çatıb
Ekologiya və Təbii Sərvətlər Nazirliyi əsas magistral avtomobil yollarının ətrafının estetik görkəminin dəyişdirilməsi məqsədilə yaşıllıqların salınması və ən müasir tələblərə cavab verən damcılı suvarma sisteminin quraşdırılmasına dair layihələrin icrasını vaxtından əvvəl başa çatdırıb. Ekoloji QHT-lər işlərin həyata keçirilməsi və monitorinqinə ictimaiyyətin cəlb edilməməsindən narazıdır və göstəricilərlə razılaşmır.
ETSN-in məlumatına görə, ümumi smeta dəyəri 20 milyon 145 min manat olan bu layihəyə görə, Bakı-Quba, Bakı-Şamaxı, Bakı-Qazax, Bakı-Astara və Bakı Hava Limanı magistral avtomobil yollarında 775 hektar ərazidə yaşıllıqların salınması, 1453 hektarda isə ən müasir texnologiyaya əsaslanan damcılı suvarma şəbəkəsinin quraşdırılması nəzərdə tutulmuşdu. ETSN tərəfindən daxili imkanlar hesabına faktiki olaraq nəinki layihədə nəzərdə tutulan 803,84 min ağacın gətirib əkilməsi, həmçinin əlavə ərazilərdə cəmi 2 milyon 131 min ədəd ağacın gətirilib əkilməsi təmin edilib. 1835 hektar ərazidə torpaq işləri görülüb, damcılı suvarma sistemləri qurulub, dəmir-beton su anbarları tikilib. Faktik olaraq, görülən işlərin həcmi 26,3 mln manat qiymətləndirilir, deyə nazirlik məlumat verir.
Bildirilir ki, ağacların 98%-i yerli iqlimə uyğunlaşıb.
«Ekologiya və Proqnozlaşdırma Milli Mərkəzi» QHT-nin prezidenti Telman Zeynalov Ekologiya və Təbii Sərvətlər Nazirliyinin magistral avtomobil yollarının ətrafının estetik görkəminin dəyişdirilməsi üzrə gördüyü işə müsbət qiymət verir. Amma o, hesab edir ki, nazirliyin fəaliyyətinə obyektiv qiymət verilməsi üçün ilkin mərhələdən ictimai təşkilatlar monitorinqə cəlb edilməli idi. Müqayisə aparılmadan işin həcmini və maddi vəsaitlərin xərclənməsinin səmərəliliyini birmənalı qiymətləndirmək olmaz, deyə ekoloq qeyd edib. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz