“Atəşgah” Sığorta Şirkəti və avtomobil portalı “auto.az”-ın 2012-ci ilin martından həyata keçirilən birgə layihəsi – “avtosigorta.az” əhali arasında onlayn sığortaya olan böyük marağı üzə çıxarıb.
Mindən çox avtomobil sahibi http://sigorta.auto.az kalkulyatoru vasitəsilə sənəd tərtibinə vaxt itirmədən elektron sığorta imkanı əldə edib.
Azərbaycanda bu xidmətin tətbiqi sığorta polisi əldə etmək prosesini asanlaşdırmaqla bərabər, bütünlüklə sığorta sahəsinin inkişafına kömək edəcək, - deyə layihə rəhbərləri düşünür.
Layihənin üstünlüyü ondadır ki, istənilən avtomobil sahibi evdən və ya ofisdən çıxmadan öz avtomobilini sığortalaya bilər. Sığorta kalkulyatoru (http://sigorta.auto.az/) vasitəsilə AVSMMİS və KASKO polislərinin dəyərini hesablamaqla onlayn rejimdə onları sifariş edə bilər. Sığorta polisi “Atəşgah” SŞ-nin sığorta məsləhətçisi tərəfindən paytaxt ərazisində ödənişsiz olaraq sifarişçinin istədiyi yer və zamanda çatdırılır.
"Atəşgah" qrupuna daxildir: "Atəşgah" SŞ, "Atəşgah Həyat Sığorta", "Intermed" tibb klinikası.
Şirkətlər qrupu 1997-ci ilin yanvarından fəaliyyət göstərir.
Səhmdarları ARDNŞ (10%), I.S.R.Holding Limited (63%), «RAN-Еksim» MMC-dir (27%).
Qrupun məcmu kapitalı 7,8 mln manatdır. --17D-
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz