AXA MBASK-dan ekspress sığorta

AXA MBASK distribütor şəbəkəsini genişləndirmək üçün Express Services Group  (ESG) şirkəti ilə saziş imzalayıb. 

Sazişə əsasən,  Express Services Group şirkəti AXA MBASK sığorta məhsullarını ölkənin bütün ərazisində 28 sığorta növü üzrə satacaq.

Bu struktur həm korporativ, həm də fərdi müştərilərə xidmət təqdim edir və müştərilərin sual və tələblərini vaxtında cavablandırmaq məqsədi ilə call center - telefon mərkəzi də fəaliyyət göstərir. 

Müştərilərin rahatlığı üçün Express Services Group şirkəti sığorta müqavilələrinin müştərinin ünvanına çatdırılması üzrə express xidmətlər də göstərir. Sığorta şəhadətnaməsini əldə etmək üçün müştərilər şirkətin call centerinə (012) 488 6454 nömrəsinə zəng vura, yaxud şirkətinin Azure Business Center-dəki (Yeni Həyat) mərkəzi ofisinə müraciət edə bilərlər.

Express Services Group şirkəti həm də milli sığorta agentlərinə şirkətdə peşə ixtisasını təkmilləşdirmək üçün əlverişli imkanlar yaradır.

Sazişin imzalanmasını şərh edən şirkətin baş səhmdarı Rəşad Abbasov bildirib: "Müştəriyə keyfiyyətli xidmət göstərmək, təklif etdiyimiz sığorta xidmətinin keyfiyyəti biznesimizin inkişafında başlıca amillərdir. Ölkədəki ən iri sığortaçı, dünyada ad-san sahibi olan AXA şirkətinin nümayəndəsi olan şirkətlə tərəfdaş olmaqla müştərilərimizin də ən yüksək beynəlxalq standartlara uyğun həqiqətən keyfiyyətli xidmət alacaqlarına əmin oluruq". --17D—