AXA MBASK sığorta şirkəti yeni ofisə köçüb

AXA MBASK sığorta şirkəti Nobel prospekti 15 ünvanında yerləşən yeni ofisə köçüb. 

İndi şirkətin həm baş ofisi, həm də AXA MBASK-ın Bakı ofisi Azure biznes-mərkəzinin 1-ci və 2-ci mərtəbələrində yerləşəcək. 

 Sahəsi 1500 kv metrdən çox olan yeni ikimərtəbəli ofis nəinki şirkətin bütün struktur bölmələrini əlverişli şəkildə yerləşdirməyə, eyni zamanda müştərilərinə rahat xidmət şəraiti təşkil etməyə imkan verib, bura sığorta iddiaları, həmçinin polislərin satışı da daxildir, - deyə press-relizdə deyilir. 

 Müştərilərin rahatlığı üçün şirkətin əlaqə nömrələri dəyişməyib: (012) 596 55 70, 596 55 71, 596 55 73, 596 55 74. 

AXA MBASK açıq səhmdar cəmiyyəti Azərbaycanın sığorta bazarında 1992-ci ildən fəaliyyət göstərir və 25 könüllü və 4 icbari sığorta növündə xidmət göstərir. 

 2010-cu ilin oktyabr ayında sığorta şirkəti əsas səhmdarını dəyişib, həmin ilin dekabrın 7-də isə onun lisenziyası yenilənib. 

 Şirkətin nəzarət səhm paketini (51%) törəmə AXA Sequros Generales, S.A, De Sequros Y Reasequros (İspaniya) şirkəti vasitəsilə AXA Group (Fransa) əldə edib. 

 Bu günə şirkətin ödənilmiş nizamnamə kapitalı 6,74 mln manat təşkil edir. Onun ölkədə 5 filial və nümayəndəlikdən ibarət şəbəkəsi mövcuddur. --17D—