![Ay ərzində muzdlular 1,2% azalıb](https://turan.az/resized/./turan-750-500-resize.webp)
Ay ərzində muzdlular 1,2% azalıb
Yanvarda ölkə iqtisadiyyatında muzdla çalışan işçilərin sayı 17,8 min nəfər azalıb. Amma dövlət strukturları iş yerlərinin leqallaşması və yenilərin açılması barədə bəyanatlar verir.
Dövlətstatkoma görə, 2014-cü il fevralın 1-i vəziyyətinə ölkə iqtisadiyyatında muzdla çalışan işçilərin sayı 1492,3 min nəfər olub. Bu, ilin əvvəlindəkindən 1,2% azdır. DSK-da Turan-a deyiblər ki, bu, ARDNŞ-dəki ixtisarlarla bağlıdır.
Fevralın 1-i üçün onlardan muzdluların 896,8 min nəfəri . (-0,4%) iqtisadiyyatın dövlət bölməsində, 595,5 min nəfəri isə (-2,4%) qeyri-dövlət bölməsində fəaliyyət göstərib.
Vergilər Nazirliyi bildirir ki, yanvar-fevralda 1425 qeyri-leqal işçi aşkarlanıb. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) tərəfindən cari ilin yanvar-fevral aylarında ayrı-ayrı müəssisələr üzrə 1330 nəfər işçi ilə əmək münasibətlərinin əmək müqaviləsi əsasında rəsmiləşdirilməsi təmin olunub.
Maraqlıdır ki, dövlət strukturlarının məşğulluq barədə məlumatları düz gəlmir. Bu gün DSK 1 yanvar 2014-cü il üçün məşğulluq səviyyəsini açıqlayıb. Ona əsasən, əmək fəaliyyəti ilə 4 521,2 min nəfər məşğuldur. Bu, bir il öncəkindən 1,7% çoxdur. Son 2 ildə məşğulluq səviyyəsi 145,9 min nəfər artıb. Onun başqa bir məlumatına görə, 2 ildə muzdlular 109,4 min nəfər artıb. Təzad ondan ibarətdir ki, Vergilər Nazirliyi bu 2 ildə 200 min iş yerini leqallaşdırdığını bildirir.
DSMF-nin məlumatına görə, 2014-cü ilin 1 yanvar tarixinə 2 milyon 691 mindən çox sığortaolunana sosial sığorta nömrəsi verilib
DSK-ya görə, ilin əvvəli üçün işsizlik səviyyəsi 5%-dir (236,6 min nəfər).
«Əmək Hüquqlarının Qorunması Liqası» İB-nin rəhbəri Sahib Məmmədov Turan-a bildirib ki, ölkədə məğullluq meyarları bir qədər qüsurludur. Bir ailənin pay torpağı varsa həmin ailə o torpaqdan istifadə edib etməməyindən asılı olmayaraq, ailənin bütün əmək qabiliyyətli üzvləri məşul sayılır.
Məşğul insanların əhəmiyyətli hissəsi mövsümü işlərdə çalışırlar. Həmçinin bir çox müəssələr vardır ki, fəaliyyəti faktiki olaraq yoxdur və işçiləri uzun illərdir müddətsiz məzuniyyətdədirlər. Bu şəxslər də məşğul sayılırlar. Əslində buna gizli işsizlik deyilir. Bu baxımdan DSK-nın açıqladığı rəqəmlə reallıq arasında fərq var.
Ekspertin fikrincə, kölgə işsizliyi hesaba alınsa, işsizlik səviyyəsi iki rəqəmli olar. 08B
-
- Siyasət
- 13 Mart 2014 16:01
-
- İqtisadiyyat
- 13 Mart 2014 16:48
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz