AYİB Azərbaycandan olan məsləhətçilərə ixracın təşviqi sahəsində konsaltinq xidmətlərini gücləndirməkdə yardım edir
Bu gündən başlayaraq Azərbaycandan olan on beş konsaltinq şirkəti Avropa Yenidənqurma və İnkişaf Bankı tərəfindən (AYİB) təşkil olunan və Avropa İttifaqı tərəfindən maliyyələşdirilən ixracın təşviqi konsaltinqinə həsr olunmuş üç günlük seminarda iştirak edəcək. Təlimin keçirilməsində məqsəd Azərbaycanlı konsultantlar tərəfindən həyata keçirilən xidmətlərin yerli kiçik və orta müəssisələrin təminat bazarlarının genişləndirilməsi və ixrac yönümlü müəssisələrin xidmətlərini müştərinin ehtiyaclarına uyğunlaşdırılmasından ibarətdir. Təlimə AYİB ilə sıx əməkdaşlıq şəraitində fəaliyyət göstərən beynəlxalq səviyyəli təlimçi rəhbərlik edir.
“İxrac yönümlü konsaltinq Azərbaycanda nisbətən yeni konsaltinq sahəsidir. Biz inanırıq ki, Azərbaycanda kiçik və orta müəssisələrin kifayət qədər ixrac potensialı vardır, və özəl sektorun ixrac potensialının təbliği çiçəklənən kiçik və orta müəssisələr sektorunun və daha da çoxşaxəli iqtisadiyyatın inkişafına öz töhfəsini verəcəkdir" - deyə Cənubi Qafqaz və Rusiya Federasiyası üzrə AYİB Regional Proqramının Kiçik Biznesə Dəstək Rəhbəri, Jeff Ferri bildirib.
İxracın təşviqi üzrə tədris proqramı yerli konsultantlar üçün nəzərdə tutulmuşdur. Bu faəliyyətin məqsədi müştərilərin fərdi xidmətlər ilə təmin edilməsi vasitəsilə yerli kiçik və orta müəssisələrin ixrac potensialının inkişaf etdirilməsinə yardımçı olmaqla yanaşı, özəl sektorun ixrac potensialının təmin edilməsindən ibarətdir. İxrac yönümlü müəssisələrə dəstək Azərbaycanda AYİB-ın prioritetlərinə uyğundur, və o, bazar iqtisadiyyatının şaxələndirilməsinin təşviqinə istiqamətləndirilmişdir.
Seminar kiçik və orta müəssisələrin ixrac uğurlarına təsir göstərən strateji və maddi-texniki amillərin daha dərindən qavranılmasını təkmilləşdirməklə, yerli konsultantlara əsas ixracın təşviqi səriştələrini aşılayacaqdır. İxracın təşviqi üzrə bənzər təlimlər AYİB tərəfindən artıq Qazaxıstan, Qırğızıstan, Monqolustan, Tacikistan və Ukraynada uğurla təşkil olunmuşdur.
Avropa İttifaqı və AYİB tərəfindən maliyyələşdirilən seminar Azərbaycanda kiçik və orta müəssisələrə yardım etmək üçün sürətlə inkişaf edən konsaltinq bazarının yaradılması məqsədi daşıyan davamlı səylərin tərkib hissəsidir.
1993-cü ildə Azərbaycanda fəaliyyətə başladıqdan etibarən, AYİB 700-dən artıq müəssisənin inkişaf etmək və genişlənməsi üçün konsaltinq bacarıqlarına yiyələnməsinə yardım etmişdir.
-
- İqtisadiyyat
- 7 Oktyabr 2015 14:48
-
- Siyasət
- 7 Oktyabr 2015 15:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz