![AZAL bayramdan sonrakı dövr üçün xüsusi tariflər tətbiq edir](https://turan.az/resized/750/500/resize/media/2014/main/031300072381.jpg)
AZAL bayramdan sonrakı dövr üçün xüsusi tariflər tətbiq edir
2014 Mart 12 (Çərşənbə) 17:13:46
“Azerbaijan Airlines” QSC aviaşirkəti 12 beynəlxalq marşrut üzrə xüsusi aksiya elan edib. Aksiya formal olaraq Novruz bayramı ilə əlaqələndirilir, amma bayramdan sonrakı dövrdə həyata keçiriləcək.
Aviaşirkət bildirir ki, güzəştli qiymətlərlə biletləri 25 marta kimi alınmalıdır. Aksiya 26 martdan 19 maya kimi olan reysləri əhatə edir. Aviabilet satan şirkətlərdən birində Turan-a deyiblər ki, qiymətlər adi biletlərdən 30 manat ucuzdur.
Yeni qiymətlə gediş-gəliş də daxil olmaqla Praqa, Milan, Roma, Paris, London və Pekinə biletlərin qiyməti 399 avro, Mineralnıye Vodı və Aktauya 199 avro, İstanbula 229 avro, Ankaraya 329 avro, Təbriz və Tehrana 179 avro, Təl-Əvivə isə 369 avro təşkil edir.
Sonuncu dəfə güzəştlə bilet satışı (199 avro, taksa və yığımsız) yeni il öncəsi 5 Avropa şəhərinə (London, Paris, Milan, Roma və Praqa) olub.
Yerli xətlərdən fərqli olaraq, beynəlxalq aviaxətlərlə biletlərin qiyməti dövlət tərəfindən tənzuimlənmir. “Azerbaijan Airlines” QSC ziyanla işləyir və dövlətdən dotasiya alır. 08D
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz