AZAL Tel-Əvivə xüsusi uçuşların icrasına başlayır
Bakı/19.06.21/Turan: 11 iyul tarixindən "Azərbaycan Hava Yolları" aviaşirkəti Bakı – Tel-Əviv – Bakı marşrutu üzrə xüsusi uçuşlar həyata keçirməyə başlayır.
Qeyd olunan marşrut üzrə uçuşlar hər həftənin bazar günləri həyata keçiriləcəkdir.
Bu barədə "Azərbaycan Hava Yolları" QSC-nin mətbuat xidməti bildirir.
Biletlərin satışı aviaşirkətin www.azal.az rəsmi saytında, həmçinin aviadaşıyıcının akkreditə olunmuş agentliklərində həyata keçirilir.
Mövcud epidemioloji məhdudiyyətlər şəraitində uçuş icazəsi olan sərnişinlər kateqoriyası daşımaya qəbul olunacaq.
Azərbaycan Respublikasının Nazirlər Kabineti yanında Operativ Qərargahın qərarına əsasən, İsrail vətəndaşları 21 iyun tarixindən etibarən aşağıdakı sənədləri təqdim etdikdə Azərbaycana səyahət edə bilərlər:
- tam peyvənd olunmaları barədə sertifikat (COVID-19 pasportu) və ya xəstəlikdən sağalmaları barədə sertifikat;
- həmçinin uçuşdan əvvəl 72 saat ərzində rəsmiləşdirilmiş COVID-19-a dair PCR testinin neqativ nəticəsi barədə arayış.
18 yaşınadək İsrail vətəndaşları Azərbaycana hava yolu ilə gəldikdə yalnız PCR testinin neqativ nəticəsi barədə arayış təqdim edə bilərlər, bir yaşınadək uşaqlar üçün sertifikat və arayışın təqdim edilməsi tələb olunmur.
Bu istiqamət üzrə səyahət etməyi planlaşdıran Azərbaycan vətəndaşları İsrail ərazisinə giriş hüququna malik olmalıdılar. Pandemiya dövründə İsrail ərazisinə giriş qaydaları ilə aviaşirkətin saytında aşağıdakı keçid vasitəsilə tanış ola bilərsiniz: https://www.azal.az/az/information/covid-israel
Azərbaycanda COVID-19-a dair testdən keçə biləcəyiniz klinikaların siyahısı aviaşirkətin rəsmi saytında təqdim edilmişdir: https://www.azal.az/az/information/covid-clinics
Sərnişin Tel-Əvivdən Bakıya səyahət etdiyi zaman COVID-19-a dair testi dövlət tərəfindən akkreditə olunmuş klinika və ya laboratoriyalardan hər hansı birində verə bilər. PCR testinin neqativ nəticəsi barədə arayışda onun həqiqiliyini təsdir edən QR-kodunun olması arzu ediləndir. Belə kodun mövcudluğu hava limanında rəsmiyyətlərdən daha sürətli keçməyə kömək edəcəkdir.
Qeyd olunan marşrutun sərnişinləri COVID-19-a dair testin nəticəsinin uçuşdan əvvəl 72 saat ərzində etibarlı olduğundan əmin olmalıdırlar.—06D-
-
- Sual-cavab
- 20 İyun 2021 12:42
İqtisadiyyat
-
Şimal-Cənub beynəlxalq nəqliyyat marşrutunun əhəmiyyətli inkişafı çərçivəsində 2024-cü ilin iyununda Azərbaycanı İranla birləşdirəcək Rəşt-Astara dəmir yolu hissəsində geoloji kəşfiyyat işlərinə başlanması planlaşdırılır. TASS-ın xəbərinə görə, bu bəyanatı “Rusiya - İslam dünyası: Kazanforum 2024” mövzusunda XV Beynəlxalq İqtisadi Forum çərçivəsində Rusiya Federasiyasının nəqliyyat nazirinin müavini Dmitri Zverev bildirib.
-
Azərbaycanın neft gəlirləri azalmaqdadır.Bu il Azərbaycan Dövlət Neft Fondunun (ADNF) neft satışından təqribən 5 milyard dollar əldə edəcəyi proqnozlaşdırılır. Son 17 ildə “Azəri”, “Çıraq”, “Günəşli” yataqlar blokundan (AÇG) dövlətin mənfəət şəklində əldə etdiyi ən aşağı qazanc 2020-ci ildə - 3,52 milyard dollar olmuşdu. Amma 2022-ci ildə neft gəlirdi təqribən 10 milyard dollara yüksəldi ( neftin yenidən bahalaşması ilə). Ötən il bu gəlir 6 milyarddan bir qədər çox olub.
-
Beynəlxalq Maliyyə Korporasiyasının (BMK) Azərbaycandakı nümayəndəsi Aliyə Əzimova “Ambisiyaların artırılması və stimullaşdırıcı fəaliyyət: COP29 Davamlı Biznes Forumu”nda çıxışı zamanı təşkilatın iqlim dəyişikliyi ilə mübarizəyə yeni diqqət yetirməsindən danışıb.
-
Azərbaycan istixana qazları tullantılarını azaltmaq və iqtisadiyyatını davamlı inkişafa doğru irəliləmək üçün iddialı planlar açıqlayıb. Bunu ekologiya və təbii sərvətlər naziri Muxtar Babayev “Artan ambisiyalar və fəaliyyət üçün stimullar: COPL-29 Davamlı Biznes Forumu” adlı mötəbər forumda çıxışı zamanı deyib.
Rəy yaz