"Azərbaycan Hava Yolları" QSC Bakı-Gəncə-Bakı marşrutu üzrə hər gün uçuş həyata keçirəcək. Reyslər E-170 hava gəmilərində icra ediləcək.
Şirkətdən verilən məlumata görə, 30 avqustdan etibarən Bakı-Qəbələ-Bakı marşrutu üzrə müntəzəm uçuşlara başlayır. Reyslər hər həftənin çümə və bazar günləri komfortlu E-170 tipli təyyarələrlə həyata keçiriləcək.
Bakı-Gəncə istiqamətində bir tərəfə biletin qiyməti 30 manat, Bakı-Qəbələ istiqamətində 48 manatdır.
Eyni zamanda AZAL Gəncədən Naxçıvana və geriyə həftədə 3 reys həyata keçirir. Biletin qiyməti 39 manatdır.
Qəbələ beynəlxalq hava limanı bir neçə il əvvəl açılıb. Paralel olaraq Zaqatala və Lənkəran şəhərlərində aeroport tikilib. Kommersiya mülahizələrindən AZAL bu şəhərlərə uçuş həyata keçirmir. Lənkəran aeroportundan Rusiyanın bir sıra şəhərlərinə uçuşlar həyata keçirilir. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz