Azərbaycan Beynəlxalq Bankı 2013-cü ilin mənfəətini bölüb

20 may 2014-cü il tarixdə “Azərbaycan Beynəlxalq Bankı” ASC səhmdarlarının növbəti ümumi yığıncağı keçirilib. Yığıncaqda 2013-cü ilin təşkilati və maliyyə məsələləri üzrə qərarlar qəbul edilib.

Bank qəbul edilən qərarlar barədə xəsis informasiya verir. İclasda 2013-cü ilin maliyyə hesabatı təsdiq edilib. Həmçinin il ərzində əldə olunmuş mənfəətin müəyyən hissəsinin dividendlərin ödənilməsi, Bankın səhmlərinin nominal dəyərinin artırılması yolu ilə nizamnamə kapitalının artırılmasına yönəldilməsi barədə qərarlar qəbul edilib. Bundan əlavə, Bankın Müşahidə Şurası və Audit Komitəsinin tərkibinə yeni üzvlər seçilib.

Maliyyə hesabatına əsasən, 2013-cü ildə “Azərbaycan Beynəlxalq Bankı” ASC şirkətlər qrupunun xalis maliyyə mənfəəti 58 mln 964 min manat təşkil edib. Onun hansı nisbətdə böölündüyü açıqlanmır. Dövlət Maliyyə Nazirliyinin şəxsində 50,2% səhm payına malikdir.

2012-ci ildə ABB 14,8 mln, 2011-ci ildə 8,7 mln manat dividend verib. Son 5 ildə bankın səhmlərinin nominal qiyməti mənfəət hesabına 20 qəpikdən 26 qəpiyə artırılıb.

Əvvəlki illərdə olduğu kimi, ABB 1800-ə yaxın minoritara KİV vasitəsilə və fərdi qaydada ümumi yığıncaq barədə məlumat verməyib. --08D—