Azərbaycan Beynəlxalq Bankı islam kartı təqdim etdi

Azərbaycan Beynəlxalq Bankı (ABB), avropa bankları arasında ilk olaraq islam bankçılığı qaydalarına cavab verən yeni “Qiblə kart” adlı məhsulunu müştərilərə təqdim edir. 

Təqdimat zamanı Beynəlxalq Bankın İslam bankçılığı departamentinin rəhbəri Bəhnam Qurbanzadə təqdimat zamanı bildirib ki, kart yaxın vaxtlarda dövriyyəyə buraxılacaq. Kartın dəyəri 40 manat təşkil edir. 

Bu debet kart "MasterCard Platinum"la birgə buraxılıb. O, qeyri-adi dizaynla hazırlanıb və

Məkkənin istiqamətini göstərən elektron kompasla təchiz olunub. Onun köməkliyi ilə kart sahibləri hesablarından vəsaitləri nağdılaşdıra, o cümlədən müxtəlif məhsullar və xidmətlərə görə ödəniş edə bilərlər.

"Qiblə" kartı debet kart kimi buraxılacaq, lakin həm də bank tərəfindən verilən borc limiti kimi də istifadə oluna bilər. Limitin müddətinin uzadılması borc ödənişi müddətinin sonunda kart sahibi ilə müzakirə olunur. Kart sahibi tərəfindən qaytarılan borc kartın balansına oturur və bununla da borc limiti bərpa olunur. 

ABB islam bankçılığına 2003-cü ildə başlayıb. Bank bu sahədə xidməti İİB qrupunun vəsaiti ilə göstərir. 

Ötən il bu məqsədlə xüsui struktur yaradılmasında ABB-yə Salans, KPMG, Pinsent Masons və Dar al Shariah-dan ibarət konsorsium kömək edib. 

ABB 1992-ci ildə yaradılıb. Əsas səhmdarı Azərbaycan hökumətidir (50,2%). 49,8% fiziki və hüquqi şəxslərə məxsusdur.—15D--