Azərbaycan beynəlxalq maliyyə institutlarının köməyinə ehtiyac hiss etmir?
Maliyyə naziri Samir Şərifov Financial Times-a müsahibəsində rəsmi Bakının BVF və DB-yə maliyyə yardımı üçün müraciət etdiyi barədə informasiyanı təkzib edib.
Onun sözlərinə görə, "Olduqca kiçik həcmdə xarici borcu və 34 milyard dollarlıq ehtiyata malik suveren fondu olan ölkənin bu vəsaitə ehtiyacı yoxdur. Beynəlxalq Valyuta Fondu Azərbaycana bazarda mövcud olan faizlərdən aşağı dərəcə ilə kredit ayıra bilərdi. Söhbət iqtisadiyyata yardımdan deyil, daha ucuz maliyyə vəsaitinin cəlb edilməsinə yardım etməkdən gedir".
Nazir hesab edir ki, BVF ölkəyə daha ucuz kredit verə bilərdi.
“BVF bildirdi ki, neftin ucuzlaşması qlobal iqtisadiyyata müsbət təsir edəcək. Amma bu, baş vermədi. Köməyə ehtiyacı olan damğası bir çox ölkələri problem böyüməmiş BVF-yə müraciət etməkdən çəkindirir”, - deyə Şərifov bildirib.—0--
-
- İqtisadiyyat
- 18 İyul 2016 11:21
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz