Azərbaycan DB ilə üç kredit sazişi imzalayıb

Oktyabrın 22-də Nazirlər Kabinetində Azərbaycan Respublikası Hökuməti ilə Beynəlxalq Yenidənqurma və İnkişaf Bankı arasında (Dünya Bankı qrupunun üzvü) institusional islahat, kənd yerlərində sosial infrastruktur və meliorasiyanın inkişafı üzrə ümumi məbləği 300 milyon ABŞ dolları təşkil edən üç yeni borc sazişi imzalayıb.

Birinci kredit $150 mln-dır və milli su təchizatı və kanalizasiya xidmətləri üzrə ikinci layihə üçün əlavə maliyyələşdirməni nəzərdə tutur. Benefisiar Azərbaycan Meliorasiya və Su Təsərrüfatı ASC-dir. Layihənin icrası nəticəsində 8 rayonda bu xidmət yaxşılaşacaq.  

Kənd Təsərrüfatı Nazirliyi ölkənin kənd bölgələrində icma əsaslı infrastruktur xidmətlərinin göstərilməsini təkmilləşdirməkdən ötrü 50 milyon ABŞ dollar alıb.

«Mütərəqqi ədliyyə xidmətləri və müasir məhkəmə infrastrukturu layihəsi» baza ədliyyə və hüquqi xidmətlərə əlçatanlığının yaxşılaşdırılması, bu xidmətlərin göstərilməsində ədalətliliyin gücləndirilməsi və şəffaflığın təmin edilməsi ilə Azərbaycanda ədliyyə sektorunun müasirləşdirilməsi prosesinin davam etdirilməsi üçündür. Bu məqsədlə Ədliyyə Nazirliyi $100 mln alıb.

Dünya Bankı adından sənədləri DB-nin Azərbaycan üzrə ölkə meneceri Larisa Leşçenko imzalayıb.

Hazırda DB-nin Azərbaycan üzrə investisiya porfeli 18 layihədən ibarətdir. 1992-ci ildən bank 54 layihəyə 3,8 mlrd kredit ayırıb.  08D