Azərbaycan neft ixracı xəritəsini dəyişib və Asiya ölkələri xarici ticarət dövriyyəsində Avropa ölkələrini sıxışdıraraq liderliyə yüksəlib.
Cənubi və cənub-şərqi Asiya ölkələri ilə əməkdaşlıq 2012-ci ildən inkişaf edir. Bu ilin ilk iki ayında proses fəallaşıb və Tailand ($476,5 mln) 8,5%-lik payla xarici ticarət dövriyyəsində ikinci yerə çıxıb. 2012-ci ildə bu ölkə ilə əmtəə dövriyyəsi $360 mln olub.
Hindistan ($308,3 mln) 4-cü, İndoneziya ($272,6 mln) 7-ci, Tayvan ($238,5 mln) 8-ci yerdədir. $426,1 mln göstərici ilə 3-cü yerə qalxan Rusiya daha balanslı idxal ($227,5 mln) və ixrac ($196,5 mln) həcminə malikdir. Türkiyə ilə əmtəə dövriyyəsi (6-cı yer) bu dövrdə $280 mln olub.
İtaliya əmtəə dövriyyəsində liderliyi qoruyur ($1 mlrd və ya 17,8%). Britaniya, Almaniya, Fransa və Avstriya Azərbaycanla əmtəə dövriyyəsində 10-13-cü yerdədir. Qeyd edək ki, 2013-cü ilin yanvar-fevralında Azərbaycanın xarici ticarət dövriyyəsi $4 183 mln təşkil edib. 08D
İqtisadiyyat
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
Rəy yaz