Azərbaycan “Kaşaqan” yatağından Aİ ölkələrinə neft nəql etməyə hazırdır, Azərbaycanın Qazaxıstandakı səfiri Zakir Həşimov belə hesab edir.
“Azərbaycan dost ölkələr üçün tranzit potensialını təqdim etməyə hazırdır. Qazaxıstan bu marşurutdan maneəsiz istifadə edir. Bu il Qazaxıstan neftinin Bakı-Tbilisi-Ceyhan marşrutu ilə Avropaya nəqli bərpa edilib. İnanırıq ki, Kaşaqan yatağı işə salındıqdan sonra Qazaxıstan neftinin BTC ilə tranzit həcmi artacaq”, deyə Həşimov “KazTAQ” agentliyinə müsahibəsində bildirib.
Onun sözlərinə görə, boru kəməri hamıya lazım olan miqdarda neft nəql etmək üçün nəzərdə tutulub.
BTC-nin keçirmə qabiliyyəti gündə 1,2 mln. barrel təşkil edir. Hazırda bu boru kəməri ilə Azəri-Çıraq-Günəşli yatağından neft, habelə Şahdəniz yatağından kondensat və Türkmənistan nefti nəql edilir.
Kaşaqanda hasilat (Xəzərin Qazaxıstan sektoru) ötən ilin sentyabrında qaz sızması ilə əlaqədar dayandırılıb.
Kaşaqan neft-qaz yatağında hasilatın 2016-cı ilin ikinci yarısında bərpa edilməsi gözlənilir.
Kaşaqan dünyada ən böyük yataqlardan biridir, onun ehtiyatları 4,8 mlrd. ton neft olaraq qiymətləndirilir. -02D-
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz