Bakı/06.10.17/Turan: 2017-ci ilin 7 ayında Azexport.az portalına Azərbaycan məhsulları almaq istəyən 53 ölkədən 264,3 mln dollarlıq sifariş daxil olub, deyə Gömrük Komitəsi bildirir.
İyulda portala daxil olan sorğuların pulla qiyməti iyundakından 15% çox olub. Aylar üzrə sorğuların ümumi məbləği belədir: 2017-ci ilin yanvarında $48 mln, fevralda $6.5 mln, martda $27 mln, apreldə $29.9 mln, mayda $19 mln, iyunda $ 62.3 və iyulda $71.6 mln dollar.
Analiz göstərir ki, iyulda Rusiyadan daha çox sifariş daxil olub. Bu ölkə 2017-ci ilin 7 ayında sifarişlər üzrə liderdir. Gömrük Komitəsinin məlumatına görə, deyilən dövrdə Azərbaycanda Rusiyaya 311 mln dollarlıq mal ixrac edilib. Bu, 7 ayda qeyri-neft ixracatının 36.4%-dir.
Azexport.az portalına müraciət edənlərin ilk beşliyində Rusiya liderdir (19%). Ardınca Ukrayna (7.8%), Türkiyə (7.4%), ABŞ (4.8%) və Səudiyyə Ərəbistanı (4.8%) gəlir.
Bu ilin iyununda ilk dəfə portala Qətər, Tanzaniya və Ekvadordan sifarişlər daxil olub.
Azərbaycanın qeyri-neft mallarına sifarişlərdə qida məhsulları liderdir: təmizlənmiş fındıq, şərab, kosmetika vasitələri, tütün, göbələk, uşaq paltarı, konservləşdirilmiş mal əti, quru süd, mebel, yumurta, dondurulmuş toyuq əti, albalı şirəsi, xalça, iplik, pambıq, kərə yağı, alma, avtomobil diaqnostikası qurğusu və s
İplik, pambıqlifi, alma, təmizlənmiş fındıq və toyuq əti üzrə hər bir mala sifariş məbləği 1 mln dollardan çoxdur.
Böyük Britaniya və Almaniyada Azərbaycan xalçalarına tələbat böyükdür. Bu mala sifarişlər Qazaxıstandan tutmuş Tanzaniyaya kimi müxtəlif ölkələrdən gəlir.
Sifariş həcmi artacaq, çünki Azexport portalı Azərbaycan mallarını aparıcı elektron ticarət meydançalarına çıxarıb. Portalın işçilərinin səyi nəticəsində Azərbaycan sahibkarları öz təkliflərini Fulfilment by Amazonda (FBA) yerləşdirə bilər. Bu xidmət Azərbaycan biznesmenlərinin öz ixrac mallarını ABŞ-ın 100-dən çox anbarında saxlamaq imkanı verir.
Azexport portalı Alibaba və Allbiz kimi iri ticarət portalları ilə inteqrasiya olunub.-0-
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz