Sosial və İqtisadi İnkişaf Mərkəzi (CESD) «2014-cü ildə Azərbaycanın neft ixracı: qısa icmal» hesabatını açıqlayıb. Sənədə əsasən, neft hasilatı və gəlirləri 2015-ci ildə də azalacaq.
Mərkəz bildirir ki, 2014-cü ildə neft qəfələtən ucuzlaşıb və Azərbaycanın neftdən gəlirləri azalıb.
Azərbaycan dövlət gəlirləri və ÜDM-də neft sənayesinin payını azaltmaq iqtidarında olsa da, neft və qazdan asılılığı davam etdirib.
Azərbaycanın əmtəə dövriyyəsi 2014-cü ilin 11 ayında $36,7 mlrd olub, ixrac $ 28,6 mlrd, idxal $8,1 mlrd, profisit $20,5 mlrd təşkil edib.
Qeyri-neft ixracatı $1,6 mlrd, bir nəfər qeyri-neft ixracatı həcmi $166,8 olub.
Mərkəz bildirir ki, xarici ticarət 2014-cü ilin 11 ayında 7,6% azalıb. 2013-cü ilin 11 ayında bu göstərici $39,7 mlrd olub.
2014-cü ilin 11 ayında ixracatda neft və neft məhsullarının apyı 95,7% təşkil edib.
2014-cü ildə 41,9 mln ton neft istehsal edilib. Əvvəlki illə müqayisədə hasilat 3,7% azalıb. 2014-cü ildə neft hasilatının azalmasının davam etməsi göstərir ki, bu il də azalma davam edəcək, deyə Mərkəz qeyd edir. (Hesabatın tam mətni bu ünvandadır: www.cesd.az)—0—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz