Azərbaycan neftinin ixrac qiyməti tədricən enir
2015-ci ilin yanvar-avqust aylarında Azərbaycan 22 mln. 166 min 644,22 ton neft ixrac edib ki, bu da 2014-cü ilin analoji dövrünün göstəricisindən 2,7% azdır.
Dövlət Gömrük Komitəsinin (DGK) sayğaclarındakı göstəricilərə görə, 2015-ci ilin yanvar-avqust aylarında Bakı-Tbilisi-Ceyhan neft kəməri ilə 18 mln. 92 min 965,2 ton neft (o cümlədən “Şahdəniz” yatağından 1 mln. 348 min 745,45 ton qaz kondensatı), Bakı-Supsa neft kəmərilə 2 mln. 809 min 29 ton, Bakı-Novorossiysk neft kəməri ilə 847 min 107 ton, dəmir yolu ilə Gürcüstan limanlarına 417 min 543,02 ton nəql edilib.
DGK-nın məlumatına görə, gömrük bəyannaməsinə əsasən bu müddətdə $6 mlrd. 394 mln. 879,77 min məbləğində 14 mln. 910 min 250,03 ton neft ixrac edilib. Yəni, Azərbaycan neftinin bir tonu orta hesabla bir barel üçün $428,89 və ya $57,95-ə ixrac edilib.
Qeyd edək ki, birinci yarımilin yekunlarına görə, Azərbaycan öz neftini bir barel üçün $59,30 ixrac edib.
DGK-nın məlumatına görə, 2015-ci ilin yanvar-avqust aylarında Azərbaycandan neft məhsullarının ixracı 1 mln. 506 min 120,68 ton ($534 mln. 354,59 min məbləğində) təşkil edib.–12D--
-
- İqtisadiyyat
- 30 Sentyabr 2015 11:37
-
- İqtisadiyyat
- 30 Sentyabr 2015 11:41
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz