“Azərbaycan Sənaye Bankı” ASC-nin aktivləri ötən il 5%, artaraq 162,69 mln manata çatıb. Verilən kredit həcmi 32,1% azalaraq 85,92 mln manat olub.
Bankın ümumi öhdəlikləri 119,99 mln-dan 125,55 mln manata artıb. Depozit portfeli 18,8% genişlənərək 56,92 mln manat, o cümlədən müddətli müştəri əmanətləri 11,2% azalaraq 24,54 mln manat olub.
Balans kapitalı 37,14 mln manata çatıb. Məcmu kapital 10,8% artaraq 31,72 mln manat, ödənilmiş nizamnamə fondu 16,7% artaraq 28 mln manat olub.
Bankın gəlirləri 2011-ci il ilə müqayisədə 2,2% azalaraq 18,11 mln manat, xərcləri 6,8% artaraq 15,74 mln manat təşkil edib. Vergi ödəniləndən sonra xalis mənfəət 36,8% azalaraq 2,37 mln manat olub. --15B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz