Bakı Fond Birjası (BFB) noyabrın 20-də kapital bazarından maliyyələşmədə maraqlı olan potensial şirkətlər üçün “İlkin Kütləvi Təklif (İPO) və Listinq” mövzusunda seminar təşkil edib.
Seminarda Listinq Məsləhət Proqramı çərçivəsində tərəfdaş və broker şirkətlərinin, 15 seçilmiş yerli nümayəndələri iştirak etib.
KİV təmsilçiləri seminara dəvət almayıb.
Seminarda İPO yolu ilə kapitalın cəlb edilməsi, səhm və istiqrazların listinq prosesi, eləcə də bir sıra yerli şirkətlərin nümayəndələri istiqrazlarının Bakı Fond Birjasında uğurlu listinqə çıxarılması təcrübəsi haqqında məlumat verilib. Seminarda beynəlxalq İPO eksperti Dr. Albrecht Bürger İPO-ya hazırlıq barədə təqdimat keçirib. Borsa İstanbul-un təmsilçisi Mert Süzgen “Borsa İstanbulda kapital bazarının inkişaf mərhələləri və uğurlu İPO-lar” mövzusunda təqdimatla çıxış edib.
Qeyd edək ki, indiyədək BFB-da bir İPO belə həyata keçirilməyib. BFB-nin birinci səviyyə listinqinə iki kommersiya bankının səhmləri daxil edilib. Hazırda listinqdə yalnız bir bank qalır (“Dəmirbank” ASC). 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz